Saturday, February 25, 2006

假如我有1個秘密

我會把它告訴你。

每次看post secret都有驚喜。剛剛看的時候,看到1個別注小故事。內容是這樣的︰

-----Original Message-----

I've been checking your website religiously every Sunday for a while now. Just recently I found that my friend also reads PostSecret. She told me she was sending in a postcard but she kept putting it off and I kept pressing her to send it. I told her she'd feel better if she did.

Yesterday, she decided that instead of sending her secret in and having it posted anonymously, she was going to send it straight to the person it was meant for so she could, once and for all, get her secret off her chest for real.

So, she sent it.
To me.


看完後心裡不禁感動了1下。不管那個"secret"是什麼,這個舉動也是窩心的。

It's about Courage.
And Love.

假如我有1個秘密,我會把它告訴你。

我想,我也該有這份勇氣。

噢!春天!我的夢中情人!—看著你 抱著你 擦亮機倉空氣

曲:ERIC KWOK 詞:林寶 編曲/監製:SWING

ERIC:完全沒準備 與你空空兩臂 踏上這深宵客機 逃離悶空氣
凡塵鬧市 各樣各式 太花心機
JERALD:在夜空上 空間彷似擴張 感覺最舒暢
快樂事情不須誇張 戀愛原是抽象 不須刻意細想
不須勉強 似我在今宵可
SWING:跟你飛緊靠一雙手臂 看著你 抱著你 擦亮機倉空氣
不知要怎麼說起 這個基本真理 要是有著你
無論那是目的地 也不必理
(從來沒有目的地 也都很美)

JERALD:完全沒準備 與你空空兩臂 踏上這深宵客機
逃離悶空氣 凡塵鬧市 各樣各式 太花心機
ERIC:就用衣袖 揮走瑣碎困憂 感覺已足夠 往後事情不必深究
戀情原是享受 不必一世永久 不必佔有
似在我今宵可



*多渴望終有1天可跟你,兩個人,1起去旅行,去我們都很愛的熱愛島。

***************
今天特地到page one幫妹妹找書。我想page one該是香港唯1感覺最像誠品的書店吧,但無論怎樣,還是及不上誠品。

其實我有想過,會不會是因為,逛page one的時候,四周聽到的是廣東話,而逛誠品時四周聽到的是普通話或者台語,感覺才如此不同呢?

多渴望有1天,可以毫無顧慮地選擇到1個沒有廣東話的地方生活,然後到有1天,聽厭了那個地方周遭的語言,再繼續尋找另1處可以聽到另1種方言的地方;1直如此下去,過了很多很多年,都不記得廣東話是怎樣說了,再回歸我最漂亮的香港。

多謝

多謝阿智。

原來我真是1個滿不負責任的損友。

經常將自己的煩惱pass給別人。

煩到人之餘,仲會挑起人家的傷心事。

接著自己就彷彿沒有煩惱,1身輕。

但其實到他們有困難時自己又沒有怎樣幫助到他們。

desmond話齋,咁同叫完雞唔俾$$$有乜分別?

為什麼要特別多謝阿智?因為我從來沒有見過他的樣子像今早這麼認真和語重心長。

這個樣子還要持續了差不多1小時!

好耐ga la,對於佢黎講。

他還要對我說︰「唔好諗咁多la,聽書先la,我幫你諗掂佢。」

之後我當然還是沒有怎麼聽課,但我也見你沒有怎樣抄碌屎,想必你也沒怎麼聽了。:(

我就是這麼會煩人的傢伙。:(

接到波的朋友,你們還是不要理我了。我自己再搞搞佢,搞唔掂再拋返個波俾你地。(損友︰wa!又想拿返個波ah?我接左la wor之但係。)

我都話我就係咁煩ga la。

多謝哂咁多位損友。

Friday, February 24, 2006

點解小正你成日都咁開心既?

雖然你既熱愛島淨係得幾朵熱愛花同1兩個朋友仔,但係你成日都好似好開心咁。

我既世界有好多好多唔同既野,多采多姿,但係我覺得好煩悶。

小正,點解你成日都咁無憂無慮?

跟住你可能會話︰「子非魚焉知魚之樂?其實我日日淨係聞花都不知幾悶。」

你唔使厄我la,你經常不自覺流露出來既笑容已經出賣左你。

如果我可以去熱愛島同你1齊過無憂無慮既生活就好la。
好邪。

鬱悶看xanga中,click到阿keith的xanga,就在這1剎那,msn傳來keith的message。正想覆佢1句「好邪ah~ 1 click入你個xanga你就hi我」的時候,猛然想起,這個msn account原來是阿妹的,這個msn阿keith原來是阿妹的阿keith,而不是我的阿keith。仲諗住「好邪ah~ 1 click入你個xanga你就hi我」之後順手問佢我0的vcd係咪仲係佢度tim。

又係1個最佳損友。如果唔係呢下「好邪」,我諗我唔會諗返起佢。

*****

好很煩ah。點解呢個世界咁複雜咁癲?

我知。複雜既癲既根本唔係呢個世界,而係呢個世界既人丫ma。

我唔想思覺ah。
好很煩。

可唔可以俾我靜下?

我唔鍾意,我唔想,都唔想扮到好鍾意,唔鍾意扮到好想。

唔好反我la大哥大姐。求下你地。

我要ko哂所有唔like既野。請骷髏頭堡賜我力量。

Monday, February 20, 2006

噢!春天!我的夢中情人!—將心擺耳邊 才驟覺沉默有深淺

作曲 : 雷頌德
作詞 : 青介
監製 : 雷頌德
主唱 : 陳奕迅

風怎麼叫 話我知蜜蜂怎笑
星怎不叫囂 難道怕誰人被搔擾
想緊握這 靜悄的一秒
噪音聽厭了愛上在深宵
呆看這寂寞雨點 放浪輕飄
 oh oh oh

如果寧靜中感到害怕 送我相擁有用嗎
會為我添上顧慮嗎 可安心嗎
平靜的海 仍充滿熱情暗浪
只得一剎那 捉不緊變化
雖安身這個懷裡亦怕

想聽得見 用耳聽未必聽見
將心擺耳邊 才驟覺沉默有深淺
聽到淺笑 用笑織冠冕
縱聽得剎那夠快樂一天
陶醉這靜默愛戀 快樂飛天
 oh oh oh

如果寧靜中感到害怕 送你相擁有用嗎
會為你添上顧慮嗎 可安心嗎
平靜的海 仍充滿熱情暗浪
想聽出變化 想聽出記掛
想聽聽到嗎 容我念掛

如果沉睡中感到害怕 你這相擁有用嗎
會為我牽去顧慮嗎 可安息嗎
平靜的海 無心叫熱情靠岸
可惜一剎那 可惜這變化
雖安身這個懷裡亦怕

*你的笑容勝過千言萬語。
**「早上清新的空氣,為1天添上了動力,可是,還比不上你臉上的那含蓄但親切的微笑,你是我的晴天娃娃。」—節錄自廣播劇《來不及聽你說愛我》

**********************************
alanna,呢首妳未聽過la卦?

小正*小wen情人節(遲了1點)獻禮


愛之鳥將愛情從天而降給寂寞的小正


小正︰熱愛花的味道好芳香啊!


情人節當晚,小正雖然還是沒有情人,但有3五知己、熱愛花、愛之鳥和心心相印燈飾陪他,於願足矣。正所謂「我未能參與,能羨慕亦很好。願我喜歡的人,其後的節日會趕到。」

尚有更多小正情人節寫真,盡在
**********************************
香港進度的《America's Next Top Model Cycle 5》終於完滿結束了,跟我預期的賽果1樣。Nicole, Nik and Bre rock!

話時話,我覺得周麗淇跟nicole給人的feel滿相似的。別忘了,今晚有由鄭嘉穎和波斯高主演的《天幕下的戀人》!(妳唔會得閒睇ga,死左條心la。)

Sunday, February 19, 2006

雪呀雪~

杭州下雪了。terry讓我看了他的照片。我感覺到杭州雪地的浪漫。

再看看芬蘭佘生的雪景照,唔,感覺完全不1樣,型0的,但也令人極之羨慕的。

唔…我這邊13度都覺得好很凍。你呢?

唔…今天好奇怪,突然心血來潮拿了swing最後1隻大碟《Swing Swang Swung》出來聽。晚上再聽eason的《Life Continues》,哇!好swing style!《低調》尤其eric,《人車誌》尤其jerald。久違了的eric & jerald,long time no see!

eason今次這隻ep好好聽。

聽著《落花流水》,動人的曲詞編唱,差點就要聽得哭出來。不過,都是大石說得對—「感人既係歌,感人既更加係往事。」

即使過去了的人生有多「憾」,life after all continues。要是彼此都有些既定路程,學會灑脫好嗎?

Saturday, February 18, 2006

大件事

No big deal actually.

原來自己的那份執著,是源於自大。

都係果句—「自以為對世界相當重要,要其實世界才剛剛準備原諒你的幼稚」。

都係果句—「成長係咪就係不斷犯錯然後再不斷重複自己既錯誤?」

都係果句—到有1天,那些錯誤沒有再被重複,就可以証明自己真的長大了。

搞掂。

special thx to尋晚被我的「你明唔明ah?」攻勢折磨死掉的朋友們。:)

唔講la,再講另1樣更大件事。

就係—原來香港每年11月都有1個叫「亞太區美容展」既南北。

每年既11月,各國多個著名品牌既化妝品同護膚品都通通被運到香港的這個展覽,

並以超低價發售。

各樣產品低至廿蚊

問你驚未。

今年既日期地點,我岩岩check過,係15 - 17 nov 2006 @會展。

入場卷 $160。

記得提我10月11月果排問我化妝搣時拿免費飛。記住ah!大事件黎ga!

上個月我都同拿拿同大家姐提過,叫佢地mark低,佢地都不約而同咁話︰「下?11月?而家先1月ja bor,會唔會早左0的呢?」

而家2月la,我再係度講多次,應該冇咁早la可?

ps wa!上化妝識左個靚女,原來係mary kay既美容顧問!仲話免費教我化妝tim!5/3第1堂!仲叫埋好多朋友仔去!而家繼續收生!有興趣既兄弟姊妹(冇錯!係兄弟!)同我講聲,我再講多0的詳情俾你地聽!;)

ps2 wa!鄧健泓新派台歌—《大件事》好好聽ah!

Thursday, February 16, 2006

噢!春天!我的夢中情人—蕭伯納 王爾德 但丁 莎士比亞 馬奎斯 小仲馬 請指點我去用情書將心扣住

歌手:At 17 | 作曲:林二汶@At 17
填詞:于逸堯@人山人海 | 編曲:梁基爵@人山人海

世界不知不覺無情地轉
勞碌找一個救生圈
靠美德博學還離岸很遠
用美色多勝算

可惜我只配談文字戀
強項得書信對白婉轉
講曲線體態自然落選
憑面相難完心願

蕭伯納 王爾德 但丁
莎士比亞 馬奎斯 小仲馬
請指點我去用情書將心扣住
辛棄疾 矛盾 魯迅 蘇軾
求可體恤我筆尖的計算
長話盼 盡說短 人海中等惜字緣

交心的戀愛漸成歷史
唯獨我堅信愛像種子
悉心栽花卻換來白紙
才用眼淚來寫字

伊索 屠格涅夫 狄更斯
歐威爾 艾可 卡爾維諾
幾本書的背後埋藏著我心事
張愛玲 曹禺 老舍 冰心
如果早幫我寫命運情節
從未怕 命太短 惟恐寫不好那段緣
盼成全


****************
哇!杜汶澤 梁洛施 問鼎帝后

彭大導好犀利ah!彭大導冇厄我ah!(人地厄你做咩jack~)唯1港產片入圍柏林影展ah!彭大導你好叻ah!>_<

唔……如果我係才女,我會配導演!我要配彭大導!>_< (人地有老婆ga la ah才女!)

Sunday, February 12, 2006

最佳損友

朋友 我當你1秒朋友
朋友 我當你1世朋友


每次聽呢首歌,我都會諗起我小1至小3既同班同學兼果時最好既朋友張家瑛。

講真,我小學3年級之前既同學仔,我淨係記得佢。

其實我都唔知點解會同佢咁friend,可能因為我地3年都同班,又差不多兩年都坐埋一齊。

果陣時我地上堂都唔聽書既,兩個淨係掛住0係功課簿上面畫公仔,hello kitty la、keropi la、mickey mouse la、春麗la……我覺得佢畫春麗好靚ga,佢又覺得我畫keropi靚0的咁。不過,每當老師行到埋黎,佢都收埋本簿收得快過我,搞到淨係得我次次都因為俾老師發現左我畫公仔而沒收左我本簿。但係唔知點解,我又會唔驚咁,拿過另1本簿出黎叫返佢同我一齊繼續畫,然後繼續俾人沒收,然後繼續畫。

彷彿畫公仔就成為左我地一0係埋一齊就1定會做,同埋最鍾意做,做得最開心既事。

去到小3既下學期,班主任掉位,我地唔再坐埋一齊,果陣時我諗,咁以後咪冇得1齊畫公仔lor?!因為咁,我0係全班既同學面前喊得聲嘶力竭,呢次我諗係我第1次為左佢而喊。不過,班主任冇因為我喊而動容,仲掉左我坐單丁位。

落左堂之後,張家瑛嘻皮笑臉咁走過黎同我講︰「wa! 原來妳真係話喊就喊ga bor!不如我地1陣去搵下副班主任丫,佢好人0的,妳再0係佢面前喊,或者佢會肯俾返我地坐埋一齊呢~ 哈哈~」

果陣時我好嬲佢用我為佢流既眼淚講笑,亦都嬲佢同左第2個坐之後仍然可以好開心咁同新鄰居上堂果時1齊畫公仔。原來我0係佢心目中既位置係任何人都可以代替。

我自己1個坐左單丁位之後,我上堂冇再畫公仔,亦都冇再同佢1齊畫公仔。

後來,父母要我去讀1間好0的既小學,幫我報左轉校,我知道我可能再冇同佢1齊玩既機會,於是我又走去同佢和好如初。

仲0係佢果年既生日,我去左佢生日會,仲買左個當年好hit既美人魚barbie俾佢。呢份應該係我當年第1份買得最貴重既生日禮物,其他同學仔生日我都係送下鉛筆ah擦膠ah咁ga ja。

「記住保持聯絡ah!」

我仲好記得佢當時講呢句說話既聲調同語氣。

不知你是我敵友 已沒法望透
被推著走 跟著生活流


跟住果年既聖誕,佢寄左張聖誕卡俾我,我又寫返幾行字俾佢之後,佢就冇再回信la,我都冇再寫信la。

再之後既1年,我同佢都冇再寄咩聖誕卡ah復活節卡ah咁。可能係因為我0係新學校識左好多好朋友,好多比佢好既朋友—佢地唔會由得我俾老師罰唔理我,佢地唔會拿我既眼淚開玩笑,佢地唔會輕易搵其他人取替我既位置。

後來我先至發覺,原來我潛意識裡面仍然係耿耿於懷。

來年陌生的是昨日最親的某某

之後,我搬左兩次屋,我都冇寫信話返我個新地址俾佢聽;然後我亦都0係其中1次搬屋,整唔見左我小學果本紀念冊,我同佢既連繫就係咁1下子冇哂。我既生命冇再出現過「張家瑛」呢個人。

或者而家就算我係街上有幸同佢擦身而過,我諗我都唔會知係佢。我連佢個樣都唔記得la,淨係記得佢畫公仔果隻手既手背上面有1塊深紅色既胎記。

如果唔係呢首歌,我諗我唔會再諗返起佢,都唔會再因為佢而喊。

都話人與人既network係好微妙,好似蜘蛛網咁,可以好容易交織起黎,越來越大,遍佈每1個角落;但係亦都好易俾風吹1吹,又斷咁幾條。

我諗,我以後都唔會咁輕易放棄1段關係。

睇到呢度既你,相信你1定睇左好耐,如果你唔係當我係friend,我諗你1定唔會花時間睇咁耐。所以,我都唔會咁輕易放棄你。

朋友 我當你1秒朋友
朋友 我當你1世朋友


歌詞

阿智

題外話先。infinitely looping "He Loves You So",死la,1聽就想喊,《Love Letter》好似出左10周年紀念版dvd,我要買!(但係補習仲未出糧呢,新年又洗哂0的$$$。>_<)

其實我想講呢,人與人既network真係好微妙。

阿智,peer counsellor識既阿智,今日俾我發現左原來佢係johnny既中學同學—johnny係我北京2班既同學仔,而家亦都同緊我一齊上qm。

阿智,peer counsellor識既阿智,上個月發現原來佢係阿豆既老友兼情敵—阿豆係我camp best crew member。

阿智,peer counsellor識既阿智,上個sem發現原來佢又係傑仔既中學同學bor—傑仔係我double同學。

講起double,我地班其實又有1個叫阿智,今個sem先岩岩知道原來佢英文名叫stephen。

講起stephen,計下數,如果計埋阿智,我總共識得4個stephen。

講起同名,其實我又識得3個叫阿正既。(計埋我隻小正就有4個la haha~)

講起同名,原來我又識得3個fanny 2個bonnie 2個阿yan 3個cathy 2個angela 2個winnie 2個candy 2個connie 2個dicky 2個阿dick 2個阿sam 2個david 2個terry 2個jacky 2個sunny 3個阿昌 2個leo 2個calvin 3個kelvin 2個anthony 2個iris 2個maggie 3個samuel 2個gloria 2個daniel 2個pinky 2個cynthia 2個ivan 2個阿鏗同埋數唔哂咁多個jessica…

然後其實有2個fanny係識1個bonnie,1個bonnie識得1個阿yan,1個阿yan識得1個cathy,1個cathy識得1個angela;有1個connie識得1個dicky,1個dicky識得1個阿dick,1個阿dick識得1個阿sam,果2個阿sam又係識得既,而佢地又識得1個david bor,而果個david又識得1個terry,而果個terry其實又識得其中1個阿sam同dicky,而其實dicky又識得識哂2個阿sam 2個jacky 2個ivan 2個stephen…唉好混亂,總之當中既關係藕斷絲連。

當中大家既認識好多都係唔同場合唔同時間,但係唔知點解,無lala竟然又可以相聚在一起。

好似果堆jessica咁,我識佢地每1個都係唔同場合唔同時間,後尾發現原來佢地有幾個都係互相認識既。

都話人與人既network係好微妙,1個連住1個,然後佢地既後代又繼續延伸彼此既連繫,名副其實既"internet",仲勁過internet既internet。

話唔埋終有1日全個地球所有人都係互相認識既,咁就世界大同la。阿智萬歲!

ps 正所謂人生如戲,戲如人生。《Love Letter》入面都有兩個識得既滕井樹,而呢兩個藤井樹都先後認識渡邊博子;關於後代既延伸,《The Classic》入面男女主角係相愛之餘,佢地既父母都係曾經相愛既。拿~ 都話人與人既network係好微妙,真係做戲都係咁做ah拿~

Saturday, February 11, 2006

Love Letter

o gen ki des ka?
wa ta shi wa gen ki des.

你好嗎?
我很好。


追憶似水年華,逝去的時光要透過1封又1封的情書重新建構出來,呈現出來的卻是回憶裡的愛。

救命ah,忍唔到喊,尤其是聽到首《He Loves You So》。

個人喜愛度︰10/10

明珠be my valentine《Love Letter》後緊接《The Classic》ah,經典之後再「經典」ah,唔得閒睇tim。

Monday, February 06, 2006

傻b Re-U 第2炮

shit! 又係德興火鍋,又係9點後$58,又係1號枱;

唯一唔同既係,今次阿金1個頂兩個。

本來我以為今次可以有10個人ga,end up係6個,少過上次之餘半數都唔過。

但係我冇灰心,講真,我真心相信你地既苦衷,你地唔黎唔係因為「唔想黎」,只係「黎唔到」。

為左令下次re-u多0的人黎到,我會改革︰下次會早0的,可以唔打邊爐……(雖則我好鍾意打邊爐)

查實,乜9點半真係好夜咩?我又覺得係acceptable。唔知點解,上左大學之後覺得出夜街出到3點都唔係太過份。我諗我第時畢左業返工,放左工我都會繼續夜夜笙歌。

因為我好鍾意深夜既感覺。其實我幾enjoy搭105s,收音機放住舊歌,街道燈火通明但係靜悄悄,靜得黎又有兩3個行人疏疏落落咁。我覺得咁樣既香港好靚,最靚。

傻b re-u,我會繼續搞第3、4、5……炮,直到我瓜柴為止。即係我成日都話,你唔黎,你可以有1萬個藉口;你黎,你只係需要1個理由。

我深信,終有1日,我地會full band—只係因為果1個理由。

ps 阿金johnny,多謝你地既中旅情報,上海既placement,我一定要in到手!仲有,因為camp best,我地之間既bonding又strong左la。人與人既network真係微妙。

pps 最最最後,多謝一班傻b給我這樣美好的一夜。

Sunday, February 05, 2006

雜記

1. friday跟妹妹到樓下平台打了差不多兩小時羽毛球,很久未試過打得那麼痛快。一邊打一邊聊近況,流著汗暢所欲言的感覺,太爽,打到有點捨不得走。^W^

2. 我真的很喜歡《少林足球》的結局。最最最後,女性的陰柔挽救了全世界。幾勁。u know what? oh g! it's TAI CHI!

其實我想,周星馳真的不是在搞gag—女人,妳真的不要回火星,因為妳要保衛地球。

3. 其實我真的很喜歡18歲的謝霆鋒。不可改變你那壞習慣

4. 其實我又真的很想念阿任賢齊。因為我覺得我真的很不錯

5. 提醒大家若果第時做老闆,千萬不要准許你的accountant把公司的數帶回家做,因為她可能會拿回去給她的女兒做,而她的女兒可能又會是account白痴,即是像我這樣子—幫阿媽入數完全是不求甚解,「領略時未須解碼」,debit同credit我真係夠膽入唔同ga bor,好彩peachtree會automatically提我jack (真係要感謝科技發達)。nevertheless,都學到野既,我真係明白左debit同credit既真正意義。真ga~

lalalalalalalalalala我們一起手牽手 數著浪花一朵朵

good night~ 我又繼續入數la~ (wa~ 0242 la~ 我仲未入完ah~ 繼續一路聽歌一路入數la~)

ya gal WEn

Friday, February 03, 2006

Madagascar

"What a Wonderful World" after all are about "weak meat strong eat", nevertheless,

when there are friends, there are families; when there are families, there are Homes.

What a Wonderful World.

ok bor呢套戲,最後5秒都要搞多個gag,笑到仆街。

仲有隻"I Like to Move It, Move It"呢,我欣賞鍾意擺動身體既人ah下。

個人喜愛度︰8/10

小妹holiday的reel life還包括《春天花花同學會》—一如既往,mcdull's for adults. 好多位好笑,更多位係苦笑,睇完你就明。《金雞2》—a little bit touching,after all 2003 都過左咯,《童夢奇緣》話齋,生命可喜既係唔需要再重來,咁而家咪一切再重來lor,hip hip hurray。(其實我冇睇過《童夢奇緣》)《麻婆島》—呢套戲係白痴ga下,不過阿秋姐配音又ok bor。《Fantastic 4》—懶緊張最後咪又係happy ending果0的lor,最岩一班friend唔使點用腦咁睇。仲有返睇過9十幾次都咁好笑既《行運超人》同埋咁有深度既《大話西遊2部曲》,真係點解你唔係蘋果

即係我成日都話,呢個世界冇爛片ga,係睇你想要咩ja ma。明la~

Wave and smile, boyz, wave and smile. :)

Wednesday, February 01, 2006

2005回顧 + 2006展望

2005年;回歸祖國年。

東莞 * 3。

第1次是plant visit

第2次是camp marvellous

第3次是camp best

3次上東莞都獲益良多。哈哈~

7月-8月—1個月的北京清華之旅

從未試過離家這麼久,這1個月真的好開心,尤其是認識到一班傻b,(還有學會騎自行車呢~ :P)你們都是最好的!

傻b 1st re-u

2005年;寫作年。

2月14情人節,我沒有約會情人,那一晚是大學文學獎投稿deadline,我趕在那夜把我的《燈蛾來過這世界》寄出。最後雖然什麼獎也沒有得到,但也不失為1個寶貴的經驗。哈哈~

我折墮因為我懶惰

還有我的第1部長篇小說《你下班了嗎?》。其實這個故事醞釀了很久 (差不多2年) ,到2005年才真正把它寫出來,因為我知道,我不可以再浪費時間。寫program,procrastinate;寫essay,procrastinate;溫習,procrastinate;都不要緊,因為這些都不是我喜歡做的事;難道連寫作—我ok喜歡的嗜好也要procrastinate?實在有點說不過去,so 2005年決定落筆了。「今天的事今天做,明天才會比今天好」。多謝alanna提醒我其實還未寫完,我promise我一定會在2006年完成的!多謝大家對小詠和葡萄乾的支持。:)

(Links plz see right panel.)

2005年;concert年。

看了基仔阿嶽。都很好看。多謝whitney和ada陪我看。:)

2005年;多姿多彩的大學生活年。

認識了好q多朋友仔。

蛇蛇豬la、apss la、camp marvellous la、小福la、北京la、camp best la… …現在在campus撞口撞面都是認識的人。oh my god!

還有還有,怎麼還少得了一班ayp莊員!?你們都是最棒的!

2005年;成長年。

看回2005年的entries,原來我寫了好多篇關於「成長」的東東。

august之成長

2005年;驚見偶像年!

彭大導ah彭大導ah!我最愛既彭大導黎poly ah!第1次的親密接觸ah!

當林家詠遇上彭浩翔‧從依莎貝拉到鄭錦富

2005年,好電影年。

big fish, 2001: a space odyssey, the godfather, american beauty, little brother, 公主復仇記,AV, swing girls, 情癲大聖… …

2005年little discoveries;︰
postsecrets, meromero小正, mr children, 椰林閣大正, vitas, cyril...

2005年我最喜愛bgm︰
last christmas, on my way, lullaby, innocent world, 漸漸

好la,到2006目標+展望︰

1) gpa止跌回升,過3爆4。

2) 兩文3語掂掂掂!0的present ah、essay ah,交俾我la!

3) improve time management among academic, part-time and extracurricular activities, never procrastinate!

4) summer sem 1-month shanghai placement, 我要in到手!

5) 寫埋《你下班了嗎?》。

6) 學埋支結他。

7) 靚0的。

8) 搵番個人,約我去迪士尼。

testing testing,有0的野想講。我知我個人去到某0的位係有0的偏執,好似寫blog咁,周圍0的friend個個都用xanga用space,我又要懶係與眾不同用blogger,冇subscription又冇米字星星,等你地就算想睇我幾時仆街都要自行bookmark或者用自己個腦記住個網址;你知la,現代人生活節奏急促,做乜都好1次過搞掂哂方便0的ma;喂check xanga一開個account咪1次過check哂0的subscriptions lor;喂check space一開msn咪1次過check哂0的米字星lor;喂妳條木契係都要我咁返璞歸真用bookmark ga bor,睇妳幾時仆街!

umum... 就係因為我既偏執,令到大家都咁渴望睇我幾時仆街,都紛紛「返璞歸真」起來。

黎得呢度既大家都係願意寬恕我既偏執既,因此黎緊呢1年呢度會繼續黑mung mung冇乜design,bgm會繼續唔岩大眾口味,文字繼續爛,小妹會繼續偏執下去。想睇我幾時仆街嘛?你咪繼續黎lor~ 多謝各位。我愛你地。>3<