傻b Re-U 第2炮

shit! 又係德興火鍋，又係9點後$58，又係1號枱；

唯一唔同既係，今次阿金1個頂兩個。

本來我以為今次可以有10個人ga，end up係6個，少過上次之餘半數都唔過。

但係我冇灰心，講真，我真心相信你地既苦衷，你地唔黎唔係因為「唔想黎」，只係「黎唔到」。

為左令下次re-u多0的人黎到，我會改革︰下次會早0的，可以唔打邊爐……(雖則我好鍾意打邊爐)

查實，乜9點半真係好夜咩？我又覺得係acceptable。唔知點解，上左大學之後覺得出夜街出到3點都唔係太過份。我諗我第時畢左業返工，放左工我都會繼續夜夜笙歌。

因為我好鍾意深夜既感覺。其實我幾enjoy搭105s，收音機放住舊歌，街道燈火通明但係靜悄悄，靜得黎又有兩3個行人疏疏落落咁。我覺得咁樣既香港好靚，最靚。

傻b re-u，我會繼續搞第3、4、5……炮，直到我瓜柴為止。即係我成日都話，你唔黎，你可以有1萬個藉口；你黎，你只係需要1個理由。

我深信，終有1日，我地會full band—只係因為果1個理由。

ps 阿金johnny，多謝你地既中旅情報，上海既placement，我一定要in到手！仲有，因為camp best，我地之間既bonding又strong左la。人與人既network真係微妙。

pps 最最最後，多謝一班傻b給我這樣美好的一夜。