Sunday, January 09, 2011

【想你就寫信】第10封信 記憶

親愛的陽具小姐︰

告訴你一件近來讓我頗驚喜的事︰話說前天星期五我實在太有閒情逸緻地向公司請了年假,突地跑去蘭桂坊和安里那間被少年食神米高譽為能煮出全港最好吃的拉麵的餐廳吃午餐,結果排了一個半小時的隊,終於如願以償地吃了一碗比起香港普遍拉麵店都更別出心裁的叉燒拉麵,心滿意足了,但我想說的驚喜事並不是這個;而是那個早上我在寒流中排著隊時竟意外地發現,和那間拉麵店相隔幾個舖位的,就是你以前帶我去過兩次抽水煙的印度餐館。

那這有什麼好驚喜的呢?咳咳,是這樣的,自從你帶我去過以後,有好幾次和朋友在蘭桂坊喝完酒後都想和他們到那裡抽水煙,但身為路痴的我根本認不得路,每次都帶著朋友在斜路上上下下團團轉到最後都是無功而回;我以為,以後如果沒有你再帶我去的話,那間餐館大概會變成沙漠裡的海市蜃樓,我應該一輩子也不會找到吧。想不到,多得這次難忘的排隊吃拉麵經驗,那天一個半小時的排隊過程裡,當中有十五分鐘我就是剛好正正站在這間印度餐館的門前,我想,以後即使沒有你,我也懂得自己去了。

那天站在餐館門前,意識裡湧起很多以前和你去抽水煙的情境—記得你為我點的酒的甜味、咖哩的香氣、對旁邊桌子的食客的評頭品足、每抽一口煙瓶裡的水就會「骨碌骨碌」冒起的泡泡、你跟我說的「我不想失去妳」……我還記得,我們第一次抽的是清新的薄荷味,第二次是淫蕩的玫瑰味。(笑)

我還記得,點一客水煙座要三百多塊,但我好像兩次都沒有付錢。(閃)

真令人懷念啊。我想我以後還是會繼續到那裡,試吃和喝其他我們沒點過的菜和酒,抽其他我們沒抽過的水煙味道,把那種逐漸泛黃的情懷延續下去。

早陣子和一個朋友聊天,他說他現在的嗜好都是他以前的女朋友給他的—他喜歡唱卡拉OK和到圖書館讀書,是因為學生時代常常和女友一起做這兩件事因此喜歡上的;他還喜歡攝影,是因為他上一個女友是攝影愛好者,他以前常常跟她出外拍照兼當傘僮,致使他現在也培養了對拍風景照的興趣。

聽他說完後我想了想,自己也有類似的經驗啊—我的第一個男友是一個影迷,什麼電影都看,那時我們常常跑到電影院看電影;後來我對電影也漸漸產生濃厚的興趣,喜歡看的電影種類也越來越廣,現在要是有喜歡的電影上映就會急不及待跑去看,即使一個人看電影也不會覺得寂寞。

我也曾喜歡上一個和你一樣迷張國榮的男生,所以你發現怎麼我也和你一樣喜歡張國榮,聽張國榮唱的歌,看過很多張國榮演的電影,其實不是因為我本來就喜歡張國榮,而是因為我喜歡那個男生,所以我也愛屋及烏地喜歡上了張國榮。

也許你並不知道,我喜歡你以前,我完整讀過的村上春樹的小說只有《挪威的森林》,後來我知道你是村上迷,也許為了迎合你,或為了了解你,我跑遍書店把村上老師的其他小說都找來讀,現時我讀完的有《聽風的歌》、《世界末日與冷酷異境》、《國境之南、太陽之西》、《1Q84》等……我想我越來越喜歡村上春樹了,下一部打算研讀的是《海邊的卡夫卡》。

《戀情告急》裡古天樂說過︰「戀愛會結束,經歷會留下,跟我們一起繼續戀愛。」那些我們喜歡過和珍重過的人,在我們生命某個時期留下的記憶碎片,將會伴隨著我們,以融入我們自身的一部分的姿態,繼續和我們經歷餘下未完的生命,直到死去。

我以前以為,一個人的真命天子只有一個,就是最後和我們廝守終生的那個;我們和不同的人談戀愛,在一起,分開,再和別個在一起,然後分開,就是為了尋找那個到最後會和我們在一起直到死的那天也不分開的所謂「真愛」。但後來我明白,只要我們曾真心真意地喜歡過誰,曾深深感動地慶幸遇上過誰,曾嘗試以最大的溫柔珍惜過誰,那個誰,其實早已在那個曾在我們的生命留下深重印記的時刻,將他們的靈魂附載於我們的記憶和感覺裡,和我們廝守終生。

人們常常渴望能找到個和自己愛到地老天荒的真命天子,但原來只要我們珍重地把那些愛和回憶放在心裡,就已經可以天長地久—那些曾經用心愛過的人,都是真命天子;那些可一不可再的戀愛,都是真愛。

我覺得,不管和他們的回憶是甜蜜是苦澀,是幸福是傷痛,我們都該慶幸能遇上他們,感謝他們讓我們的生命更豐盛;在他們身上,我學會珍惜,學懂包容、感恩與關顧,並且學會愛。

所以啊,謝謝你,我的真愛。

想再和你去抽水煙並繼續不付錢的性手槍俱樂部先生

2011年1月9日

Friday, January 07, 2011

豚王

早排睇《為食1條街》阿少年食神米高介紹老蘭既豚王為全香港最好食既拉麵,果時咁岩睇到,都已經有0的想試;咁岩早幾日返工太得閒,同同事仔大姐拎一齊上網睇「開飯喇」,咁橋又睇到呢間野既食評,見0的人猛咁話好好食好正宗日本產溏心蛋好正,大姐拎就猛咁話想試,但係見0的人話閒閒地都要排半個鐘隊先食到,平時我地邊有咁得閒丫,適逢今日我annual leave,大姐拎就派我身先士卒去試下。本來我都唔係好想去,今日仲要得9度,諗住0係屋企訓算,點知尋晚我又訓唔著喎,醒下訓下咁,到到8點幾,橫掂都訓唔到,咁不如起程去排隊啦,於是我今日就去左呢間被譽為全港最好食拉麵睇下真係有幾好食喇。

9點9出門口,10點半去到,間野開11點,今日又係weekday又咁凍,應該少人排隊過平時掛,諗住點都食到頭圍,點知1去到見到已經有50幾人,頭幾個仲自備櫈仔坐添,唔洗咁呀!我真係好想訪問佢地係咪晨早6點走去排隊架呢!我特登10點半去排隊已經覺得自己好痴線架啦,0的人洗唔洗癲成咁呢。排我前面果對情侶,聽佢地既對話知道佢地已經連續黎排左幾日,係咪真係咁好食呀大佬!

過多3個字,我後面漸漸地多左廿幾30人,間舖都未開,條人龍排哂成條橫巷。老實講,條巷仔又窄,垃圾又多,又多貨車係度駛出駛入,今日又凍,環境相當惡劣,0的人真係好很痴線……

差唔多11點,舖頭終於開門,入面0的人就係度大嗌日文,我諗係cheers卦。跟住靚仔老闆就走出黎逐個派柯打紙同埋筆畀我地填定食乜,順便宣佈惡耗︰「今日冇溏心蛋賣呀!日本禽流感呀!」食屎啦唔係呀嘛!少年食神米高同「開飯喇」0的人都講到好正既溏心蛋竟然冇!咁即係齋食麵啦!嗚嗚……第2個惡耗,我問靚仔老闆,我個位仲要等幾耐呀,佢話1個鐘到啦!嘩有冇搞錯呀,「開飯喇」0的人明明話10點半去應該食到頭圍,而家我仲要係寒風中等多1粒鐘呀嗚嗚……1場黎到仲要突登過海冇理由而家走渣,唯有罰企。早知係咁就去翠華買定個豬仔包加杯熱朱古力1路排1路食啦,我趕住出黎乜都冇食水都冇飲架……成件事真係好飢寒交迫。

排排下有靚仔警察哥哥行咇經過,見到條龍咁長,就8卦搭訕︰「咩事呀?食野唔洗$$$呀?」我答佢︰「係呀1齊丫 (姣)。」跟住佢話︰「我行咇喇拜拜!」可惡啊!拒絕我!我真係又凍又餓又傷心啊。

又排排下豚王隔離間明珠越南餐廳個疑似老闆同老闆娘企出門口睇熱鬧。陰鬼公,成11點幾佢地間野仲係1個客都冇,隔離都未開舖就有幾廿人排緊隊。果間越南野個招牌仲係寫住1980年創立金漆招牌架!我見到老闆同老闆娘口up up,根據我25年讀唇經驗,我完全肯定佢係講緊︰「咩料呀呢間野,我地開左30年都未見過咁多人係我地舖頭出面排隊!」1定係!

好彩我帶左本《挪威的森林 (下)》去1路排1路睇,就係咁等下等下就到左12點,卒之到我。排左個半鐘呀屌!真係要睇下你有幾好味。

基本上間野只係得10幾個位,好很迫。入到去有得坐吧枱,基本上吧枱都係坐得4個人,仲係好很迫咁坐,你根本唔會有位擺袋或者除褸whatever,於是就好將就咁坐。不過坐吧枱呢個經驗幾特別,對住兩個架仔師傅仔,佢地1路勁嗌日文1路勁煮麵,基本上係大嗌「歡迎光臨」「多謝」「我煮麵喇」「加油呀」果0的啦。我隔離仲有個迷你hifi大播0的好輕快既日文pop rock歌,成件事好熱血,氣氛幾好,係度做可能日日都好開心。

基本上遞左柯打紙等幾分鐘就有麵食,我坐吧枱,個師傅仔親手遞碗麵比我仲講左幾句日文,完全唔知佢up乜春,唯有應佢「阿li加多」。

好喇,重點,究竟個麵係咪真係咁好食呢?好中肯咁講,無論係麵定湯定叉燒,都係好食過坊間大部分拉麵店或日本野既。個豬骨湯底好濃郁好好味,好夠熱。麵條幼又爽。叉燒半肥瘦香而不膩。不過我嫌佢個湯真係油左少少,食食下浸油就凝左係面,越食越覺得勁漏,開頭會覺得個湯勁好飲,但係食到中途就唔再想飲個湯……溫馨提示各位基本上味道濃淡麵條軟硬都係有得揀既,我就揀哂普通,當係benchmark,不過諸位如果想食清淡0的可以揀淡味少油少味噌,咁我諗應該就唔會漏到飲唔哂0的湯喇卦,冇咁哂。



食食下個師傅仔無叉叉用廣東話同我搭訕,嚇左1跳,仲以為佢係架仔,原來兩個師傅仔1個係架仔1個係港仔,咁我梗係順便1路食麵1路同佢吹水啦,咁難得坐吧枱,1路食1路講又可以坐耐0的冇咁唔抵。佢話今日應該可以3點前賣哂0的麵喇,岩岩開果陣賣到夜晚8點架!仲話我朝頭早黎都唔係好多人姐。我心諗你冇野呀,50幾人都唔叫多?我真係今日先知多同少有個咁新既定義囉唔該。

就係咁努力支撐坐左半個鐘終於要走,大姐拎叫我排左咁耐應該坐耐0的坐返夠本。喂大佬半粒鐘食碗麵吹埋水已經好極限,我仲要對住師傅仔煮麵,1路食1路做steam,好很熱,堅係要走。而且如果再坐落去會好內疚,出面仲有60幾70人排緊呀陰鬼公。

總結︰Mission completed in 2 hours. 其中有個半鐘係排隊……碗麵係好味既,但係又唔值得排咁耐囉,除非你大把青春唔知點揮霍啦。我會再食既,前提係唔洗排隊的話。如果又要我排more than half an hour,咁我寧願係屋企淥包出前1丁豬骨湯味加腸仔加餐肉加10隻溏心蛋算9數喇,應該都係咁上下好味既姐。

今朝我由排隊到食完麵既辛酸都全程直擊短訊報導畀大姐拎,大姐拎最後1個覆我既短訊係︰「咁至少都好食丫」鬼咩,個情形就等同,你試下飢寒交迫10九幾日,畀篤屎你都好食啦……

笑女食神雲迪以上報導完畢。多哂拜。

(冇影到碗麵既相呀,當時我已經餓撚到老豆姓乜撚都唔記得架喇,點會記得影相)