Sunday, November 27, 2005

wtf. 我又賴撻la。

今次辜負的是303添眉。...orz...

我的disappear也許打亂了組長本身的計劃。

其實即使我收不到message也應該要自動自覺多問幾遍。

我真係冇厘答圾。

剛剛又發現原來我本c++今天是終極due date;今天沒回poly,還不到。

唉。小小野都做唔好。

前幾天才大大聲說完"i'm on my way";成長係咪就係不斷犯錯然後不斷重複自己既錯誤?

唔。i've made a decision...

唔會有下次。never.

天下無雙

2002年我在電影院看《天下無雙》,看得想哭,覺得實在太無聊,浪費時間。

2005年再看這部劉鎮偉的電影,再次看得想哭。今次是因為感動。現在才發覺這部電影原來是那麼深。

情比金堅:「天大地大,知心只有一個,愛一個人就要全心全意把自己豁出去,達到無我境界。」

小霸王:「很多時候,愛一個人愛得太深,會醉;恨得太久,心會碎,然而,世間上最痛苦的事情莫過於等待。」

小霸王:「有些事情只要你肯反過來看,你會有另一種光景;其實情之所至,應該是你中有我,我中有你,誰是男、誰是女,那又有何關係?兩個人在一起開心就行了。」


今趟看才發現原來最後小霸王跟無雙交換了戒指戴,that's why那對龍鳳戒不掉下來。icic... 好深。不要看它那麼non-sense,其實它想帶出的寓意其實已到達了形而上的層次。

這使我更期待看劉鎮偉的最新作品《情癲大聖》。:)

Friday, November 25, 2005

張靚穎 Loving You

網上找到這個,張靚穎真的樣又靚把聲又堅。雖然沒原唱minnie rippleton那麼勁,但係都已經好勁!有乜理由係李宇春!

那時候在北京經常追看湖南台的《超級女聲》,捧開黃雅莉,後來被人foul了,都算正常。有乜理由係李宇春!那些評判都讚她唱得好,真不明白。

ah!還有一個不記得是誰,那次我邊播著《超級女聲》邊讀pth,看到她唱《high high high》看到目瞪口呆。有乜理由係李宇春!

算了。=.=" 睇la~

還有一個video,好看的。

聖誕燈飾

Thursday, November 24, 2005

厲害厲害。這個test好玩。理論也很神。...orz...

Spot the Fake Smile

我得10/20。=.="

iq題時間︰
有咩海洋生物係冇人夠膽掂ga呢?

Wednesday, November 23, 2005

點解人地同你咁大人地跑得咁快?
唔使大驚小怪但係豁達0的去崇拜


i'm on my way, and so do you and everybody. :)

Sunday, November 20, 2005

日日做到冇停手,梗有抖抖既時候

先匯報一下近況。

近況1︰
這2天不知為何電腦突然元神出竅到了拉姆安拉。上不到網,hkbn那邊說check過 (check了整整2天) 不是他們的問題,是我的lan卡問題。好la,害我一個弱女子把電腦哥的笨重軀體搬到樓下找電腦維修師傅check。誰知風趣幽默的師傅check完又說沒問題bor,說肯定是hkbn那邊問題,又害我白捧一趟。結果回到家,接好所有線後,電腦哥的靈魂竟然從拉姆安拉飄回來了。welcome back! 拉姆安拉好玩嗎? =.=" (我已沒氣力追究誰對誰錯的問題了。)

雖然折騰了2天,但這也算得上是「塞翁失馬,焉知非福」吧。離線的世界是簡單而且遠離繁囂的,我做功課也因此專心不少。

well, 我想電腦哥在拉姆安拉一定玩得好開心了,還給我捎來了手信呢!—上線不久後給我帶來了一隻超強的木馬!這還不就是「塞翁失馬」的續集—「雲迪得『馬』,焉知非禍」?!

又害我花了數小時趕走它。累死了。=.="

塞翁的故事就這樣給我活龍活現上演了一場。只此一場,絕無加場。噢!拜託電腦哥千萬不要加場好了。其實這事還須要感恩的,幸好電腦哥不是在assignment和project deadline的前晚去遊埠,否則我就死定了。我是不是還要拜一拜謝神恩?...orz...

近況2︰
其實我們也不算太忙,只是時間走得太快罷了。正所謂「日日咳到冇停口,總有cg既時候」。親愛的雪人先生,拜託你可否學會自我合成?我堆雪人的技巧可是有目共睹的。=.="

近況3︰
冬天來了。很喜歡冬天。因為冬天睡的覺特別香,做的夢特別甜。:)

近況4︰
好想看電影。我知道這渴求是奢侈的。特期待sem break看《情癲大聖》和《如果‧愛》。想看《情癲大聖》不為什麼,只為劉鎮偉。他當年的《東成西就》和《西遊記》都是特good的;拿王家衛開的玩笑都是特對味的。:) 至於《如果‧愛》,歌舞片是要看現場的,就是這樣。至於《無極》,陳凱歌,看情況再看吧。

Monday, November 14, 2005

我要學詠春!

miss左梁二娣師叔同梁贊格棍果集ah!>.<

好彩都冇miss到尋晚果集jack!好彩好彩!唔只好彩,仲好精彩tim!先黎二娣師叔詠春大戰連勇虎x雙形,再黎百花林再戰納蘭正光,俾納蘭正光打到重傷之際,二娣師叔再出超必—天罡化氣*連環拳!打到納蘭正光條冚家鏟嘔哂血!不過二娣師叔最後都係死左ah!嗚嗚... ...

雖然係死左,

但係型到喊!







我要學詠春!我要學尋橋!我要學小念頭!我要學標指!我要學6點半棍法!我要學8斬刀!我要學葵花寶典(!)!(呢個係extra既。反正我又唔洗自宮,唔爭在學埋。)

0係我仲高呼緊「我要學詠春!」之際,同我食緊lunch既c ar話︰「我反而想學瑜伽wor!」跟住同樣係食緊lunch既angela又話︰「我都係想學瑜伽wor!」我話︰「唔得唔得!詠春打交型ah!>_<」跟住c ar話︰「打交洗乜學ah,返黎poly日日有得練la!」angela又話︰「冇錯!仲有分級數tim!」

然後c ar和angela繼續你一言我一語給我解釋—

c︰「拿!阿智就係最高級既,妳就唔好打佢住la,因為佢會打返妳既。」
a︰「咁妳初級就練住阿光先la!」
c︰「阿j就係要黎俾我地練團體戰既。妳都加入我地la!」
a︰「記住返去磨定0的指甲wor!」

poly果然卧虎藏龍。唔講你唔知,poly最大既學院唔係design又唔係business,而係「武術訓練學院」!問你驚未。

同日又有一個punch。話說我同303既tutor melody講開cg,佢話佢都讀過,我就叫佢俾佢以前0的功課我交,咁佢就問我要交咩assignment la。又話說我今次份assignment係要design一隻complex 3d character,份spec一出左我已經周圍同人講份assignment既要求咁高,即係焗我畫雪人jer,就咁畫2個波,再複雜0的我都唔識ga la,唔通畫巴斯光年咩吹脹。鏡頭一轉又返去我同melody既對話現場,咁佢就問我做咩assignment la,我就答佢話要畫3d character la咁。佢一聽到就話la︰「咁難既!我地果時都冇咁難wor!」咁我就梗係話︰「係la!都唔知畫咩好!複雜0的我都唔識ga ma!」跟住佢就話︰「咁不如妳畫雪人la!2個波就搞掂。」

英雄所見略同。飲杯~

Pictures Taken From: http://tvb.com

Sunday, November 13, 2005

太多零碎的要記下,開一個大post記下好了。

1.
303 tutorial看到bac同學仔1人1部nds 8人同玩「大合奏」,搞到我又心郁郁想買返部tim。果時出「應援團」其實已經心郁想買,但係你要明白根本唔係$$$既問題,而係好似我呢0的咁冇自律性同貪新厭舊既小朋友,買左只會有害無益。

我冇自律jer,我都仲有少少自知之明既。

2.
dr tam︰「我好鍾意李後主ga。你地有冇聽過李後主既詞?真係好正。好似『明月幾時有?把酒問青天。不知天上宮闕,今夕是何年… …』」
佘︰「水調歌頭!」
dr tam︰「yi?!你有讀書wor!冇錯係蘇軾既《水調歌頭》。記錯左tim。李後主既應該係……blahblahblah」

我唔係想講咩,我只係想講,如果當時阿佘唔講的話,我真係會以為dr tam念緊果首係李後主lor唔好意思。

3.
近期被cyril takayama所迷倒。唔知cyril係邊個?你也未免……

cyril點神都應該冇david copperfield咁勁。不過我鍾意cyril多0的,cyril靚仔好多。

4.
juno的《朦》勁好聽。想點。

5.
到了魚米家吃了魚湯魚腐米線,魚湯特讚!令我回想起那時在北京吃的家鄉風味魚的湯底也是一樣讚的。臨走前一天我和米高pinky再溜出去多吃一遍,但我們都不知道怎樣跟服務員描述那種難以忘懷的味道,只管說有點胡椒味這樣子。那個服務員真的在單子上寫上「多點胡椒」!最後出來的製成品真的有很大陣胡椒味的,但就不是原來的味道了。滿吹啤的。=.="

6.
買了一對杏色長靴子,百4 hk dollars而已!抵到喊。同場加映鞋店某顧客要拿頂架上其中一隻靴子,但卻不小心碰到旁邊那隻,結果整排靴子表演骨牌效應。滿滑稽。

7.
《十七歲的大時代》—「這是一個沒有血的故事。尋找夢想根本不需要血和淚!」

滿喜歡這個tag。不知道這是什麼?遲些告訴你。

8.
http://www.doctorathome.com/love/love.php?e=jh-lot-upfvy5whbj-y

心理測驗來的。個人還是認為不過不失,也可能不準,也滿氣人的。因此希望各位在做這個心理測驗前先聲明,假若真的被這心理測驗氣個半死的話,是跟本blog主無關的。唔該。

Wednesday, November 09, 2005

波斯高!!!

嘩!《阿旺新傳》的波斯高令我每晚都唔出街乖乖返屋企睇電視!超靚仔!超靚仔!超靚仔!超靚仔!超靚仔!超靚仔!超靚仔!超靚仔!超靚仔!超靚仔!超靚仔!超靚仔!超靚仔!超靚仔!超靚仔!超靚仔!超靚仔!超靚仔!超靚仔!超靚仔!超靚仔!超靚仔!超靚仔!超靚仔!超靚仔!超靚仔!超靚仔!超靚仔!超靚仔!超靚仔!







唔講你唔知,波斯高同我係小學同學黎ga!我讀緊一年班果時佢係我6年班既師兄!yeah! 佢6年班當天,已是我偶像!yeah yeah yeah!

波斯高好野!今年台慶要拿獎ah!《我師父係黃飛鴻》!《我的野蠻奶奶》!《天涯俠醫》!《阿旺新傳》!「錬粗人高周身刀」!yeah!

*本blog主已精神失常,係friend既,就由得佢la。

Pictures Taken From: http://tvb.com

*Last But Not Least, truly thx 寶寶 + em for the advice for the dms presentation. :) a quite successful presentation.
好複雜、好難、好複雜、好難。

我咁單純。單純係優點定係缺點?

我咁聽話。聽話係優點定係缺點?

世界上冇對錯。客觀上黎睇只係觀點與角度既問題。咁咩係「客觀」?世界上根本冇客觀。點解冇ah?客觀只係主觀既相反。有主觀係因為每人既觀點唔同,所以有主觀。但唔代表有主觀就有客觀。正如有光,但係冇黑暗。因為黑暗只係光既相反,但唔代表咁就有黑暗。

形而上既問題,我搞唔清ga,我咁單純。

更甚既係而家既問題並唔係僅僅只係牽涉到形而上既問題。根本analyze完又analyze,出到黎根本就搵唔到個解決既辦法。所以講咁多野都只係bullshit。

好難、好複雜。點解人生係咁複雜?

我咁單純,在於我黎講人生只係及時行樂ga ja,我唔想亦都唔識諗咁多野。但係如果我唔諗,我又只會成為一個傀儡,一個ordinary,而唔係extra-ordinary。

可能我根本一開頭就冇諗過要做extra-ordinary。

但係我又唔想只係做一個ordinary。

情形就好似,我好單純,我都唔想咁單純;但係如果我唔單純,我又複雜唔起。

咁我應該選擇繼續單純?定係... ... 點ah?我都唔知可以點。

好難、好複雜、好難、好複雜。

(有冇發覺呢個entry好厄post?冇人知我講緊咩。我自己都唔係好知。你知la,我咁單純。我係阿旺。)

Sunday, November 06, 2005

11月的蕭邦

聽左la!聽左la!杰倫既新碟好好聽ah!都係一如以往咁好聽ah!

1. 夜曲—好淒美

第一首主打,一聽就喜歡!連一向都不會欣賞杰倫的爸爸都說︰「呢首反而幾好聽bor!」這表示杰倫又進步了!在他最擅長的曲風中加入了些新元素,令更多人喜歡了!

2. 藍色風暴—好有氣勢

感覺像《龍拳》現代版呢!越聽越好聽!>v<

這首一定是concert開場歌。好想看杰倫concert啊!快點來快點來!

3. 髮如雪—好有意境

先讚一讚小方的詞,沒有了方文山的詞,這首歌的意境絕不能更上一層樓!

繁華如3000東流水 我只取1瓢愛了解
只戀妳化身的蝶


>v< 痴線ga!

加上杰倫獨一無二的唱腔,造就出很很很厲害的fusion!

4. 黑色毛衣—好平靜

這首一定是看concert時令全場人一起fick螢光棒的歌。 :) 好想看杰倫concert啊!快點開快點開!

5. 四面楚歌—好型

那時候我們全家坐在電視機前,一起看著娛樂新聞台播出的「杰倫發難事件」,看著杰倫生氣得一手推倒跟蹤他的狗仔隊的摩托車,我很震驚,心想杰倫怎麼變得脾氣那麼大。聽完這首歌,我完全明白了杰倫當時的感受。杰倫!不要理會人家怎麼想!做自己,和做自己喜歡的音樂才是最重要的!支持你啊!

杰倫的詞真是又型又寸!超屌!還要讚一讚邁可的韓文rappings,令這首歌更型了!>v<

6. 楓—好想哭

這首一定是concert的高潮之一,杰倫的鋼琴那時候會升上來,然後杰倫就會幽幽地一邊彈一邊唱著這首歌,全場的人都哭了。好想看好想看!杰倫快點來開concert吧!

又讚一讚彈頭的詞,不是很傑出的詞,但都很感動!最喜歡這句︰為何挽回要趕在冬天之前?

7. 浪漫手機—好浪漫

一定是手機網絡商的廣告歌。:)

8. 逆鱗—好eminem

不知道要怎麼形容,不是eminem但又有點像的樣子,不過絕對是杰倫風格的歌!哎呀!不知道要怎麼說,總之就是好聽la!一聽就喜歡!>v<

9. 麥芽糖—好甜

感覺就好像一對小情人在種滿小黃花的山坡上肆無忌憚地跑一樣,是發了瘋地跑的那種!哈哈哈!(傻了)

如果這首歌不是杰倫唱的話,我可能不會這麼喜歡;但因為是杰倫唱的,所以我很喜歡。呵呵~

10. 珊瑚海—好壯麗

不知怎樣,總覺得lara的聲音怪怪的,不是不好聽,但跟杰倫不太襯。不過合唱起來其實又不賴啊!怪複雜的。=_="

又要讚一讚小方了。不是很勁的詞,但我又很喜歡那種淡淡的激動!

海鳥跟魚相愛 只是1場意外

11. 飄移—好飆

不知是不是心理作用,總覺得這版本沒《頭文字d》那個版本那麼烈,拍子又好像慢了,但一樣飆一樣屌!

12. 一路向北—好傷感

看著mv裡的杰倫和鈴木杏,好一對淒涼的小情侶!這首歌的情感也恰到好處!:)

《夜曲》mv好靚人靚景!>v<
《髮如雪》的mv好《娘子》!杰倫執導的!yeah yeah!
《一路向北》mv令人回想《頭文字d》裡的情節,感覺又多了!

月曆卡都好好好漂亮!讓大家看一張。



噢!暈死了!@@

推介︰全碟

Wednesday, November 02, 2005

Time Is Running Out

好多朋友仔都好好奇小福堂究竟係做0的咩,我今日就同大家分享下。

今晚小福堂反左個叫「過電網」既遊戲。相信好多人都反過︰就係綁2條繩懸掛係半空,規則就係0係指定時間內掟哂0的人過去,當然唔可以掂到個網。

好la。講就咁簡單。結果我地反左差不多2個鐘1個人都過唔到去。

如果呢個係一個real situation—3十幾人被困火場,只係得30分鐘時間逃生,唯一既出口就係一個高壓電網既破口—100次都唔夠我地死。

或者我地第一次trial已經瓜哂柴—個個湧哂埋去又捧又盛,一個觸電32個電瓜哂。

點解我地玩唔到?我地爭0的咩?唔夠勇?唔夠trust?

或者我地欠缺左既係critical moment既決心。

如果呢個係real situation,相信成功率一定大好多。why? 因為我地只係當呢個遊戲真係一個「遊戲」。

我地曾經為自己set左大大小小既目標,好多時都達到唔到。why? 因為我地欠缺左果份破釜沈舟誓要達到不可既決心。

time is running out. 時間一分一秒咁過,個game一路進行。我地只顧反,夠鐘咪夠鐘輸咪輸輸左都冇乜野又唔洗死。但係你又有冇發覺時間同人生係有一個不可分割既關係。time is running out意味住你既人生都一樣正在run out,如果正在running out既係你既人生的話,你又會唔會忍心/甘心只係當佢係一場遊戲?

Tuesday, November 01, 2005

又到萬聖!又到萬聖!

今年多左香港人慶祝萬聖節。why? 莫非多左人明白節日的真諦?

有0的人永遠唔會明白節日的真諦。正如佢地永遠唔會明白點解萬聖節0的人就會湧哂去lkf,聖誕節0的人會湧哂去tst一樣。佢地永遠唔會明,佢地只會懶巴閉咁話︰「又人多又盛都唔知迫埋去做乜!」

佢地永遠唔會明。

其實我又發up風la。唔洗理我。

好la。今日我又買左北海道牛油味百力滋la。佢係被我譽為全世界最好味既百力滋。第2位係南瓜味。請左阿媽食一包,佢都話正。我都話ga la。

但係我今日食既時候竟然覺得有點兒食之無味。why? 因為我仍然執著於要醫好你既感冒。我真係好想醫好你。

親愛的,講個笑話你聽。今日係萬聖節,你今日個樣冇化妝都好似鬼。問你驚未?

如果呢個咁唔好笑既笑話竟然可以醫好你既憂傷的話,就好la。我真係唔忍心見到你容顏憔悴個樣。

你唔開心,我都唔開心。就算有幾開心既事發生係我身上,因為你,我都唔開心。

我係咪好似情聖?(其實呢個先係笑話。=_=")

好。就等我為左你將每年既11月1日即萬聖節轉定為「情聖節」吧。

親愛的,「情聖節」快樂。Good Night. ya baby WEn.