Thursday, December 23, 2010

【想你就寫信】第9封信 病

親愛的短袖衫小姐︰

今早因為感冒請了病假沒上班,可以睡得飽飽地醒來,去看完醫生還能到麥記慢慢享受個每天上班都渴望吃但又沒時間吃的早晨全餐,還能在和煦的陽光下痛快地跑步,隨便睡懶覺,看些堆積在家裡的舊影碟……除了不停流鼻水、咳嗽咳到流眼淚和偶爾的疲倦比較令人討厭外,其實生病的日子比平時還要寫意舒適啊。

老生常談「小病是福」。老實說,閒來無事偶遇一下這些「小幸福」也不錯。

早陣子看了彭浩翔監製、陳正道執導的電影《愛在微博蔓延時》。故事講述一對陷入愛情糾紛的情侶,追溯過去後發現原來是日漸發達的科技和網絡世界造成現今的隔閡和分歧。而故事要帶出的訊息其實十分正面—科技並不能讓人疏離,出問題的是人本身。

我滿喜歡電影劇本裡一些小細節,那些導致誤會的小拐點,都那麼精巧和惹人共鳴。用微博的熱潮做包裝,但其實重點都跟科技無關。即使沒有電話、電腦、互聯網、微博、顏冊、即時通訊等等,古今中外的情侶幾乎都無一倖免會遭遇某些戀愛裡的小拐點,就像人總會患過傷風感冒一樣—一些溝通上的誤會、鬧情緒鬧彆扭、個性上的誤解、時間上的錯開等等,都是感情關係裡的「小病」,換角度看,都未嘗不是些不可多得的「小幸福」。

區區小病,只要找出病源,對症下藥,過了就好,根本不值一提。

而戀愛本身就是一場可怕的大病,它令人暈眩、心律不整、神智不清、精神錯亂、情緒大起大落、產生幻覺和幻聽、身體某些部位偶發性的疼痛、緊張受壓、疲勞過度、突如其來的心悸或驚恐……偏偏坊間好像沒有一種藥能治療這些愛情病狀。

所以對於那些因為戀愛而病入膏肓的人而言,無藥可醫的下場只有死去。

那麼有一天如果我死去,好大可能是因為你—

因為我愛你愛到入膏肓而死。

病得輕飄飄的樂於助人先生

2010年12月23日

Sunday, December 12, 2010

窮惡

話說我做開我屋企附近果間facial執左,淨返果0的未做果0的treatment又唔肯退返$$$畀我,又唔俾我換產品,唯有焗去第2近果間銅鑼灣分店果度做埋佢。

今日第1次去,我都預左佢地會sell得好兇狠。事關我買落果0的package佢地完全係幫我齋做冇$$$賺,所以佢地係咁sell我加$$$轉過個「更加適合我」既package。(我家陣買果個係最cheap既treatment,1次3舊水;佢叫我補$$$轉果個要8舊幾水1次,我梗唔制) 我問佢可唔可以將我淨返果0的轉做貴0的果個,做得幾多次得幾多次,佢話唔得,最少要買廿次,起碼補多5000幾蚊。佢食屎啦。咁我同佢講話我冇$$$,唔轉喇,做返而家果個得喇。

入到去個姐姐1路幫我做facial一路繼續sell我轉個貴treatment,猛咁話果個0的效果更好,又話0的客皮膚仲差過我做左果個之後都靚哂。我猛咁話我冇$$$,唔轉喇。佢仲不斷咁話「我都係為妳好,我唔係sell妳,我都係真心想幫妳」。直到佢講到第6次「我真心想幫妳」既時候我終於頂佢唔順同佢講左以下呢段野︰

「姐姐,我知妳真心想幫我,我從來冇懷疑過妳既真心,亦都好感激妳既真心。但係妳明唔明,問題唔係在於妳真唔真心,而係在於我真係畀唔起$$$買果個貴treatment。鬼唔知貴0的0的料好0的效果好0的咩,但係我買唔起丫嘛。如果我買得起,我晨早買左啦,我就唔係買呢個最平既treatment啦。妳猛咁話真心幫我,就等於同第3世界國家果0的窮到冇野食既人講,『拿,我呢度有盒叉雞飯,3草野,拿,你咁瘦,真係要食多0的野,我都係真心想幫你,我真心覺得你要買我盒飯』。喂大佬呀,你要幫佢,1係你就畀盒飯佢,1係就畀$$$佢買盒飯,而唔係明知佢冇3草野畀妳,妳仲不停sell佢買盒飯呀。妳明唔明呀?」

講完之後,佢冇再出過聲,亦都冇再講「我真心想幫你」呢6個字。

原來窮真係會令人惡架喎,我都好驚訝自己竟然可以咁流暢又咁華麗咁串到個姐姐1棟都冇。老實講,我好內疚。

(同埋原來窮都會令人粗魯架喎—點解我會講「3草野」而唔係「30蚊」架?破壞哂我淑女形象 (驚))

臨走果陣我同佢講︰「對唔住,我頭先唔應該咁串。」

佢笑哂口咁話︰「傻啦,傻豬黎既,唔好咁講呀。我都係真心……講自己既意見乍。」佢差0的又講左「我真心想幫你」。笑撚左。:-)

*****

題外話,背景音樂果首ToNick既《Last Christmas》好正,0的歌詞尤其抵死。我好鍾意。大家不妨聽下。講完。:-)

Sunday, December 05, 2010

【想你就寫信】第8封信 盔甲

親愛的搗蛋鬼小姐︰

我在現在的公司已工作了差不多半年,在這半年裡,我見識過的種種光怪陸離,都是我在這公司工作以前的24年來從沒見過的。

早陣子前輩同事仔才教誨過我,在我工作的行業,通常那些很有地位的,有頭有面的人,給人的形象都是十分剛強,無堅不摧,有時還要有點不擇手段、得勢不饒人,否則沒有可能爬到如此高地。

要在這行業活得有尊嚴的話,你要不成為這些人,要不學會保護自己不被欺負。

我說,世界真難混啊。

其實不只我工作的行業,根本現在普遍地區的社會風氣都是這樣。

沒有機心地對待別人,換來的即使沒有被欺壓或被利用,也少不免被冷嘲熱諷,或苦口婆心直指你「好傻好天真」。

為了不被四處埋伏在所謂「人情世故」裡的地雷炸得遍體鱗傷,我們都在學習偽裝術,盡量不以自己的表皮直接和世界接觸。

為了不被人傷害,也為了盡量不傷害別人,那些日漸純熟的假笑和口不對心的謊言,美其名是保護,實情卻是把最純真的自己牢牢地囚禁了。

每一天,你放眼街上,不會再看到任何赤裸的血肉之軀,只看到一副副華麗閃亮的盔甲。

即使是面對自己喜歡的人,盔甲有時也少不免派上用場。

也許是為了想以最完美的一面吸引你,或為了迎合你的口味。

但有時又會覺得,如果我們之間隔了盔甲,始終不能太親近。

然而有時又會想披甲上陣,那樣才不致被鋒利的愛所刺傷。

可是有時又覺得盔甲真多餘,要愛的話就要愛得赤條條,哪怕醜態畢露。

於是我總是在徒費氣力地不停上盔甲脫盔甲上盔甲脫盔甲,卻沒做什麼對讓感情昇華有幫助的事。

如果有天你又發現我又在為上盔甲和脫盔甲忙得汗流浹背,

希望你不會覺得煩厭,也希望你明白,我的這些白痴動作,只是物極必反的後果—因為我太渴望我們的感情能維持得更久一點。

而當然我最希望的,是可以在你面前御除所有盔甲,把它們統統丟棄到廢鐵回收場,讓高熱火爐把它們溶個永久的稀巴爛。

要是溫暖的愛已足夠保護彼此,誰還要依賴冰冷的盔甲?

喜歡何韻詩的《鋼鐵是怎樣煉成的》最後兩句歌詞的隨傳隨到先生

2010年12月5日