Monday, October 31, 2005

我的寵物

2005/10/27

好開心ah!開心死我la!我多左好多寵物ah!

寵物1︰風靡萬千少女的法國妹邪流丸王子

tuesday小福堂cynthia拿了這隻換購自麥記的扮法國妹邪流丸王子 (下簡稱法國妹)出來旋即令在場所有少女尖叫失聲,無一倖免。於是當晚我又走去換返隻。

這隻法國妹唔止得意咁簡單,他的迷人程度絕對可以媲美韓國偶像rain,有內涵令人驚喜得來兼且刺激程度層層遞進層出不窮問你死未。 (抖氣先︰si... ha... si... ha...)

層次1︰
造型搞鬼



堂堂男子漢扮女人不特止仲要扮法國妹,扮得咁可愛,此乃一「嘩!」。

層次2︰
走光


轉下個頭仔,識變臉之餘,條裙仔仲有埋亮燈儀式,真可謂「簡單而隆重」!此乃二「嘩!」。

層次3︰
準備進入黑洞召開銀河緊急會議

向後拉一拉,條裙仔仲曉一路轉個人一路全速前進,此乃三「嘩!」。今日仲俾咀生發現就算佢全速前進果陣kick親都識自動調較唔會仆親。此乃四「嘩!」。咀生仲話,玩厭左可以拆條裙仔出黎當jelly杯用,此乃五「嘩!」。

雲迪語錄有云︰「嘩嘩嘩嘩嘩!勁過國慶放煙花!嘩嘩嘩嘩嘩!嘩嘩! (呢句有bit ga下。)」故成為近期寵物一。

寵物2︰張震嶽《阿嶽正傳》親筆簽名poster




話說當年佘生0係台北市的西門町俾佢咁好彩見到阿張生,興奮之餘又不忘拿簽名,此乃親筆簽名poster的由來。咁點解而家又落左我手上呢?話說當年佘生得到左呢張poster之後好興奮,好似古時候0的皇帝見到靚女咁,即刻晚晚都要佢侍寢,可惜,貪新厭舊既佢將阿嶽妃 (岳飛?)把玩揉躝左好一排之後就將佢打左入冷宮 (即床下底),從此嶽妃就不見天日。直到有一日,佘皇 (邊個蛇王?!)整頓冷宮,俾佢發現左嶽妃嬌小軟弱既身軀,心生憐憫,但係「好馬不吃回頭草」,佘皇有鑑於自己係一匹好馬,於是醒起可以將嶽妃轉送俾恨左要嶽妃侍寢好耐既小朋友,即係在下。故此,嶽妃已經搬左黎我既寢宮la!今晚正式侍寢!放心la佘皇!我會好錫嶽妃ga!

寵物3︰周杰倫鋼琴家大大大poster





今晚侍寢既本來真係淨係得嶽妃ga jack,不過,愛瑪公主今朝同小朋友好開心咁講︰「$88 ja!$88 就可以要多才多藝琴棋書畫樣樣皆精既台灣第一名妓杰娘陪睡la!」yi?!近來只係朝思暮想阿嶽妃,都唔記得左杰娘十一月出碟tim!而家預訂仲送香艷大poster。貪心既小朋友當然唔執輸,即日跑去唱片店以$88超低價夾走埋杰娘,今晚實行黎個左擁右抱左右逢源!

好好人既堅堅今日又送埋小馬(仔)哥俾小朋友。滿載而歸既小朋友而家口咬小馬哥,頭頂法國妹,左擁嶽妃,右抱杰娘咁打住篇滿足既entry,真係開心la!哈哈哈!

後記︰興奮得滯越打越發癲tim,以上內容難免有點誇張失實,如有冒犯有關人士敬請不要介懷。:)

Sunday, October 30, 2005

The Godfather Part II + 十一月的蕭邦

"The Godfather Part II".

滿喜歡年少的vito,有膽色有義氣!相反michael雖然能幹,但太冷峻。第一集的他冷峻得來好有型,但第二集的他冷峻得來卻帶點冷血。唉!

配樂很好。必買soundtrack!

期待next sat的part iii!>v<

《十一月的蕭邦》。

訂左,但11月1日應該拿不到la,會好夜返,大抵要wed才能擁有!>_<

不過我而家已經聽緊網民既網上電台試聽會la!岩岩有首幾好聽!>v<

今日爸爸岩岩問起我︰「妳個周杰倫呢排好似冇哂聲氣wor!」「老豆,真係時間岩岩好la!佢下禮拜出碟la!你個女我都訂左la!有poster送tim ah 哈哈!」

Friday, October 28, 2005

有時候,我會好渴望我可以,治癒你的憂傷。

Thursday, October 27, 2005

The Sixth Sense & The Godfather

先說題外話。

拿,即係咁。緣份既野其實就好簡單既唧。當你很掛念一個人,很想見到他,並正在猜測下一秒會否跟他迎面撞個正著時,事實一定事與願違;相反,他卻會在你絕對預料不到的情況下出現。

make sense? 繼續。

因此緣份其實是可以控制和掌握的。我會將緣份解釋為一種反念力—你的慾念越強,你越得不到;反之慾念弱時才真的「有賺」。那麼控制緣份真的最容易不過了,當你好想得到時,就不去想他吧!

常聽到很多曾飽歷愛海蒼桑的人都有這樣一句comment︰「緣份既野,順其自然la。」表面上看似消極的態度,其實如果只向緣份的層面上approach,是最正確不過的。

可是,追求愛情的道路並不僅止於緣份的層面。縱使緣份源源不絕,不會好好緊握和善用是一件很仆街的事。

你又仆過幾多次街呢?仆街唔緊要,最緊要識得跌倒了站起來,然後好好掌握和善用未來的緣份。

好,回正題。

真可謂「明珠十月睇好戲」。2130 - 0330 連續6小時2齣好片。

"The Sixth Sense".

其實"The Sixth Sense"不是真的很好很好看(又或者應該說不耐看,知道了結局就沒了驚喜,總不能看完後故意把結局忘掉留待下次看吧 @@"),但每次明珠台重播我都會看。一來其實個plot真係幾好 (雖然睇咁多次係會冇左surprise),二來其中一個scene我真的很喜歡,每次看都會哭。就是這個︰

Cole Sear: She wanted me to tell you...
Lynn Sear: Cole...
Cole Sear: She wanted me to tell you she saw you dance. She said when you were little you and she had a fight, right before your dance recital. You thought she didn't come see you dance. She did. She hid in the back so you wouldn't see. She said you were like an angel. She said you came to the place where they buried her. Asked her a question? She said the answer is... everyday. What did you ask?
Lynn Sear: Do... Do I make her proud?

嘩個靚仔同佢老母0的戲真係勁到呢。

"The Godfather".

經典真的不妨一看再看。godfather與黑幫頭目的mix & match,真係好鬼型。往後的黑幫片永遠都無法取代"The Godfather"的地位了。期待next saturday的part II。:)

*《黑社會》有張家輝!>v< 好想看!

Friday, October 21, 2005

Little Brother

看了。這部電影97分鐘,一開始差不多才20分鐘我就開始哭了。好殘忍。每人的生命際遇都不同,無論我們的人生道路有多崎嶇不平,我們都要勇敢面對。因為我們的勇氣,除了可以激勵自己,令自己更加勇於面對困難外,也會在同一時間,有意無意地,影響身邊的人,令他們變得跟自己一樣,一樣勇敢。

這部電影的韓國片名原是《再見哥哥》,在trailer裡看到片中的哥哥患了cancer,這令人很容易便聯想到一個怎麼樣的結局;所以我早就有心理準備。但原來當中涉及「扭橋」,大家看到最後都會恍然大悟,結局雖不像大家預期中悲慘,但都一定哭個死去活來。最後放credits和片尾曲時,我才真的哭得很狼狽!嗚嗚... ...

我相信有些人不會喜歡(也很怕)看這類「催淚彈」,但如果大家不怕的話,不妨看看,那個飾演弟弟的真的好可愛!>v< 而且片尾曲真的好動聽!有ost就好了。>_<

個人喜愛度︰10/10

天光lu!

現在是10月21日0546。個天仲未光bor。但係我就真係一天都光哂la,岩岩趕埋份311,叫angela幫我print埋交埋,咁我就慳返唔洗返poly,又有一日day-off la。:)

都差不多時候去晨運跟住飲早茶la。做左成晚野好肚餓tim。

飲完早茶又可以訓返夠本la。訓醒有時間就搞埋個dms report先,跟住就出去幫珈yan補習,咁又過一日la。

我既plan係咪好完滿呢?有時諗諗下做大學生都幾好bor,有呢0的咁free既time management既自主權。:)

Wednesday, October 19, 2005

剛才肚痛,痛到死。我真係以為自己會死。我講真。

係咁痛係咁流汗,我真係未試過肚痛痛到喊。

有幾刻好想就這樣痛昏過去,但係唔成功。唉~

而家仲痛緊,不過強度開始減弱。推油中。(斧標驅風油)

wa... 聽日返唔返學好呢?(好多野要做bor) 都係要返。

呢0的咪就叫做得閒死唔得閒病。諗諗下,如果頭先痛死左咪一了百了。

Monday, October 17, 2005

EminEm's Birthday :)

今天是 *EminEm* 32才生日。30 something萬歲again!>v<

12月6 em會出精選碟"CURTAIN CALL"。:)

yeah it's over!

終於完成了那份有血有淚的cg assignment1。現在是10月17日凌晨0210,比我預期的完成時間早了好很多,我本以為要做通霄的,現在好精神!心情feels like bending it like Beckham!!!

拜託明天交assignment千萬不要出什麼意外!

正在聽網民setup的「全天候eason電台」,由0030聽到現在,聽了好很多eason的舊歌,不想停,想繼續聽下去不去睡。超陶醉。

連日的捱更抵夜加上天氣轉冷,我病了。(實在太好不過了) 散光應該也加深了不少。(副眼鏡我今日由朝戴到晚冇停過)

silence of the night + Eason's old songs = 太正。好精神ah!而家去沖個涼洗個頭食個消夜都仲得ah!yeah! (人︰咁精神去溫書丫笨) 又係bor,你咁都諗到既?真係醒la。但係我唔想去溫lor。病緊ga ma人地... ...

好想講返呢幾日發生既事俾大家聽ga,都幾開心ga,但係我又懶打字bor,都係唔打la... ... (人︰咁妳又講... ...)

話時話丫,首《擋不住的風情》係咪真係好「擋不住」先?梗係la,卿卿bor。有時我真係好想再睇返葉玉卿既《擋不住的風情》live,應該同我細個果陣睇既感覺好唔同。

唔講lu。繼續聽歌。Good Night. :)

ya baby WEn

Monday, October 10, 2005

Well, It's Not Yet Over

一份只完成了1/5的cg assignment,用了《over》looping 六2一十二次的時間,真的不經不覺。近來我竟愛上了mr. children。至於餘下的4/5,不會做,等「直」。正所謂「船到橋頭自然直」嘛!冇計,鬼叫我隻船仲未到橋頭。

currently looping(都是mr. children的):
1. over
2. innocent world
3. sign
4. tomorrow never knows
5. my life
6. love
7. crossroad
8. 與你一起的夏天(中譯)

Saturday, October 08, 2005

WEnDy老師教英文

1. too good to be true
解︰實在太好得不可能是真的!

2. too good to be forgotten
解︰實在太好得不可能被人忘記!

3. too cute to be straight
解︰實在太可愛得不可能是直的!

;)

Friday, October 07, 2005

回味無窮

今天下午和爸爸到一品飲茶,吃了一碗倍兒難吃的碗仔翅。爸爸這時候跟我說,他一生人吃過最美味的碗仔翅,是13四歲時吃過的一碗碗仔翅。然後他娓娓道來那時候的經歷︰「現在我都50歲了,但到現在也仍然記得那碗碗仔翅的味道,可見那碗碗仔翅是多麼美味啊!那時候和朋友仔放學後去踢球,踢到下午5點左右廟街的攤販都差不多開檔了。街口有檔碗仔翅,好貴,細的$5大的$7,但好好味,是我一生人中吃過最好味的碗仔翅... ...blah blah blah...」我問他是怎麼個美味呢?他只答︰「好熱!好多料lor!」就不能再形容下去了。我想,其實好多檔的碗仔翅都「好熱好多料」的la,爸爸這檔碗仔翅有啥特別!後來我想到,這碗碗仔翅可能對好多人來說都毫不特別,但對爸爸來說,這碗碗仔翅的「熱」除了包含著碗仔翅本身的熱外,也包含著「某年仲夏」的「熱」,踢完球後大汗淋漓的「熱」,廟街人聲鼎沸的「熱」;碗仔翅的「多料」除了包含著碗仔翅本身的料外,也包含著笑聲、哭聲、友誼、傷口、有味笑話、拗柴、波友、金毛飛、女仔、草地、青春、痴立立... ...等等夾雜而作的調味「料」。那加入了雜七雜八的少年情懷回憶,調製而成的碗仔翅,我未吃過,但我知道,對於爸爸來說,一定好正!

爸爸的碗仔翅啟發我想我一生人中吃過的最美味是什麼?記得考完a-level那年的暑假,我、em、alanna和涼子在台北,那天我們玩了一整天,凌晨時份拖著疲累的身軀從西門町回酒店,那時候一心只想著快點回去睡覺。誰知走到了酒店附近,突然嗅到了一陣濃烈的臭味!我們跟著臭味半跑半爬地攀過了幾個街口,終於被我們找到了臭味的源頭—一檔半夜臭豆腐檔!那檔臭豆腐不同於一般的臭豆腐,那檔叫「上海臭豆腐」。外皮仍然脆,但裡面竟然有湯!不用落醬,但係好味到喊!那時候我們的雙腿都因為走了一天路而感到發麻,腰酸背痛,但我們都認為為了這碟臭豆腐而多跑幾個街口都是值得的!有生之年再去台灣,即使踏破鐵鞋我也要把這檔臭豆腐再找出來多吃一遍!也許現在看到這裡的你仍然不能想像那檔臭豆腐究竟有多美味,但請相信我,這檔臭豆腐真是我一生人中吃過最美味的臭豆腐。

近來電視上有個飲食節目叫《回味無窮》,它介紹的食物不是山珍海錯,也不是什麼地方的特色美食,只是大家小時候或年輕時都吃過的地道美食。爸爸很喜歡看,so do i,相信很多人都喜歡看。

親愛的,你知道嗎,好多時候往往叫人回味無窮的,也許不是食物的本身,其實只是當中的回憶。:)

也許今天我和爸爸吃的這碗倍兒難吃的碗仔翅,10年後回想起,也許也會因為這是我和爸爸的回憶而變得好吃呢!well... =.="