十月圍城

Picture Taken from: 藍色電影夢

不得不認同，陳大監和陳大導炮製娛樂大片真的很到家，掌聲鼓勵1下。

劇本節奏明快沒悶場，兒女私情描寫刻劃得極致，要多煽情有多煽情；動作場面設計流暢精彩，要幾好打有幾好打；刺殺孫先生1路上拍到好似古惑仔劈友咁，要多壯烈有多壯烈。1部娛樂片做到咁，夠啦！你仲想點呀你同我講！

還有那個精心刻意打造的「圍城」景，堅係正，那個仔細認真和誠意媲美《avatar》的小james打造pandora，真的不得不對陳大導和製作團隊表示由衷的敬意囉大佬。

老老實實，只是《10月圍城》的打造過程也已經夠豐富得拍成電影囉。聽聞陳大導10年前已開始構思劇本打算拍，好喇有了劇本又要「建城」，好喇建了城又遇上沙士要停拍，好喇再開拍喇那個投資人又燒炭死掉沒了水喉又要「拆城」，好喇好不容易又找到投資喇又要「再建城」重新開拍，這樣來來回回擾擾攘攘又1個10年了，乜你真係以為淨係小james起個pandora難呀？乜你真係以為淨係羅大導起條永利街難呀？人地陳大導起個城仔1磚1瓦都係血淚呀！所以說用心拍電影的人都很值得尊敬。又掌聲鼓勵1下。

個人喜愛度︰8.5/10