岩岩睇完古巨基concert返黎，真係好好睇ah！>v< 兩年前睇《勁歌金曲concert》已經覺得超好睇ga la，諗住今次冇乜新野，點知都係好好睇ah！上次sell唱歌同喊，今次就新意同誠意搭夠。仲可能係因為la屎1場既關係。睇之前我真係唔知係la屎1場黎ga，知道之後真係覺得超幸福ah！>v<
睇到1半已經feel到呢個concert真係好好睇，完全feel到基仔真係真心好鍾意唱歌同埋真心想繼續係呢行lo落去。因為呢個concert既新意就係成個都係由1個musical貫穿ga，雖然個劇情好kai，但係我鍾意佢concept搭夠，仲有就係基仔跳舞ah！mj moonwalk同aaron kwok generation x ah！見到佢喘哂氣隻腳震哂咁，真係比佢既誠意感動哂！
musical 1黎就飛機失事迷失森林由《愛與誠》揭開序幕。
跟住係《獅子王》式森林大匯演，少不免少林功夫+唱歌跳舞，好好睇。:-)
跟住呢個scene我最like，好路mantic。3隻水母帶出公主既邂逅。最surprised既係佢唱既歌ah！《愛與夢飛行》—又舊又冇乜人識不過超好聽！(來自由穿過大氣 橫越晴空風裡飛 越過高山越過深海回來看妳 看在我的那份勇氣 及反覆那心理 *v*)、《大雄》、《來年來日》—又係n年前之舊歌！(來年如果歲月要岸與海漂離 仍然能堅決地抱著妳不分離 *v*)！超好聽又超浪漫的1個scene！
好la跟住公主比女妖捉走左la，基仔王子係奮戰下亦重傷身亡la。
跟住係1隻仙子飛出黎dum波鐘好等王子換過件衫，咁王子係仙子既幫助下就重生兼多左對翼，唱住《花灑》「啦啦喇 喇喇啦」就「啦」出個絕招來。
超必就係呼喚左3條龍跟住ko左個大佬。情形就好似《魔神英雄傳》阿飛雲騎住龍神號大嗌「登！龍！劍！」咁。基仔梗係冇咁kai la，不過係更gag地唱左首《必殺技》，超好聽。*v*
救返公主之後同佢跳埋最後1part舞唱埋首《歡樂今宵》個musical就完滿結束。
不過個concert未完。:-)
跟住有嘉賓出場︰小方小田小肥，有個rubberband既唔知邊個同個human beatbox，堅勁。
最surprised既係有周慧敏！點解surprised係因為佢出現果時已經係11點la！諗住完ga la ma，點知黎個高潮。
女神同基仔合唱完首《愛得太遲》之後搞喊左基仔，咁ah基仔就返左後台喊留返女神單枝唱左首《流言》，超好聽，超靚。
1跳就到最最最尾，可能係la屎1場既關係，基仔同大家都唔捨得走，佢encore左兩次！係堅encore唔係扮野果0的。第1次全場大合唱左《愛與誠》，第2次全場大合唱左《友共情》，堅係鍾意紅館呢間k房。:-D
全長3小時15分鐘，好抵睇，仲耐過gwen stefani + avril lavigne。基仔真係太令我感動，佢下次再開演唱會我1定睇！>_<
*This entry is mirrored and photoz r taken from "I Entertain Ppl 4 Self-Entertainment"
No comments:
Post a Comment