日修小學歷奇訓練日

0930 我、terry、angela和elsie到達小學幫忙set場，以準備1030開始的歷奇訓練。elsie臨開始前跟我們說，要對付小朋友，首先要同佢地喪玩，玩到佢地攰就自然會坐定定。嘩！有0的淆，唔知我做唔做到。
1030 catherine她們和3年班的小朋友都來了，又是上次堆沙那班小朋友呢！歷奇訓練開始。第一個game是大地震。有一個胖子小朋友跌倒，我們都淆了一淆，想不到第一個game就發生意外。
1100 分組作賽。我是其中一組的組媽。跟他們作組名，其中一個小女孩第一句就說「吳彥祖」。嘩！咁食字，佢都得lor。結果我們真的叫了自己做「吳彥組」。口號是「吳彥組！吳彥組！我地一定做得好！」。很欣慰，因為他們都夠膽做那些我編給他們的核突動作。=.="
1130 砌飲管塔。我仲淆過佢地，因為我以前未試過砌0的咁既野。而且佢地又極度混亂，分派給他們的工作又不做，走去搞其他野。最後5秒先至同佢地搞掂左座危危乎的南北，企都未必穩更遑論要"long"起個2蚊銀。誰知我們的代表(提議「吳彥組」的女孩)又好鬼勁，好有技巧咁又俾佢"long"到10秒，真係唔俾個「叻」佢都唔得。
1200 七手八腳。又係極度混亂。唔識分工合作既，要我勁督促，聲都沙埋。judge terry走埋黎同我講︰「妳算吧la~」
個人感想︰極度混亂。0的小朋友(尤其是男仔)勁鍾意lur地，又坐唔定，成日走去挑釁其他組，捉都捉唔住。搞到mavis都叫我睇住我班仔。勁慚愧。我真係勁冇威嚴。我想如果我是leader的話一定是country-club leader。下午果組我一定要努力0的。不過country-club leader都有個好處—佢地會同你感情好0的。他們不停跟我說笑話，我又掛住同佢地玩，搞到我地果組成日俾mc catherine話我地唔夠靜。=.=")他們臨走的時候，「吳彥組女孩」跟我說「唔知之後仲有冇機會見到姐姐妳？」。我聽後有點感動。我答她「實有機會既。」。但其實她根本不知道，今次已是我們最後一次在日修的活動了。
lunchtime 在彩虹村鑽石冰室吃揚州炒飯，超勁正，elsie請，以獎勵我們。佢讚我地搞呢0的function仲efficient過social work的學生。嘩！我真的有點慚愧。其實整個function我都付出了很少，都係我0的groupmates pro，先至有咁好既成果。
1300 second round開始。頭先first round都未攰完，再加上飯氣攻心，我真係驚唔夠體力應付班0靚仔。他們一開始排哂隊入來超級靜，我心諗今次唔使死lor。elsie也跟我說「佢地好好多wor！」。原來一切也只是序幕。
1330 大地震又係極度混亂，好彩今次冇人跌倒。跟住認領番我果team之後，循例叫佢地介紹下自己。其中一隻仔話自己叫edwin。嘩！0係人地個個都講自己既中文全名時佢講英文，唔少野wor。改組名。勁意見分歧。我果組有0的negative小朋友唔出聲又冇反應，又成日問我幾時走。我有點擔心我之後可唔可以令佢地投入去玩。最後都係edwin擔大旗—「火鳥醒！火鳥勁！霸王個位我坐定！」(究竟佢係咪好鍾意睇西楚「霸王」？諗埋0的咁既口號。=.=")
1345 飲管塔。同first round一樣勁混亂又唔聽指揮。最後又係最後5秒俾我搞左pat野出來，冇乜信心會"long"得起個2蚊銀。但係唔知點解我隻仔又係好似first round個女咁好有技巧又俾佢"long"到10秒。又係唔俾個「叻」佢都唔得。(game2其間發生人撞人流血事件，好彩唔係我果組)
1400 網中人。之前未織過網，但係唔知點解我地果組個網係最快成型。可能因為terry同catherine都走黎讚過我地，我組既negative小朋友都開始投入，好欣慰。1430 七手八腳。今次組媽唔俾幫，企埋一邊睇野都得。不過佢地輸哂。負能量又出返哂。edwin猛咁倒立同break-dance，頭先飲管塔隻醒目仔又猛咁四腳朝天訓0係地同傻笑(都係我唔好，教左佢坐0係度四腳朝天就係0手0腳，搞到佢猛咁做呢個動作。=.=")；evaluation果陣又有2個女打交，又係俾人話。
1430 唉！我真係睇唔哂咁多個。edwin過度活躍症發作；醒目仔猛咁傻笑不停(又係我唔好，我見到佢猛咁笑就問佢係咪青山出來。我知道我呢個玩笑enforce左佢既behavior，搞到佢繼續笑。=.=")；negative既女同學又唔出聲。我今次呢個組媽做得好唔稱職—成日neglect negative既同學，又enforce左頑皮同學的behavior。幸好最後派edwin出去答問題佢答得最好，我真係好proud of呢隻仔。
個人感想︰我做得比first round更唔好，仲諗住做好0的。仍然係country-club，又教唔到佢地應該學既野(聆聽同尊重係佢地最應該學既。但係mc講野既時候我仍然同佢地玩。=.=")。喉嚨嗌到勁痛。佢地走哂之後我一分鐘隊哂成支大水，唔知係咪飲得太急，我飲完之後好想嘔返哂出來。=.="
1500 落到彩虹地鐵站。有點down。小朋友雖然過度活躍，但其實他們都好可愛。我情願攰到死咁對住班可愛既小朋友，都唔想對住0的刻板既report同program。