表達能力的問題

媽媽常常說我表達能力差。對，我承認。但我認為她也須要知道，這個世界上是有dna遺傳的。。。

(媽媽23pm回到家。)

媽︰點呀~ 妳今日識唔識present呀？/*她其實理應問︰「妳今日present點呀？」*/
我︰(照答)好難唔識ga wor。

媽︰食左咩飯呀？
我︰咩呀？妳問我頭先食左咩飯？
媽︰係呀。
我︰白飯lor。
媽︰(嗤之以鼻)而家0的大學生既表達能力真係差。
我︰哈！咁妳想我點答妳呀？/*其實我明白她本來該是問︰「妳頭先食飯食咩送？」而不是「食左咩飯」，但我這些算死草，你問什麼我就答什麼，不會多答，吹咩~*/
媽︰我梗係想妳答我食左咩送啦~
我︰哦~ 咪... ... 菜呀... ... 肉呀... ... 咁lor~
媽︰(再次嗤之以鼻+repeat)而家0的大學生既表達能力真係差。

well, 大嫂呀~ 普通家常便飯既送都不外乎菜呀... ... 肉呀... ... 菜呀... ... 肉呀... ... ga la~ 唔通我答你︰「我今日食左『螞蟻上樹』『賽螃蟹』『金鑲白玉板』『紅嘴綠了哥』呀~」咩~ 真係吹漲~ 試問有個咁既阿媽，個女真係... ... 讀到大學都要偷笑。哈！哈！哈！