紀念日

8月23日，值得紀念的一天，是我自從學會騎自行車以來第一次炒車炒到趴街。

幸好只是皮外傷，不用找肥仔。:)

最慘唔係炒車，而係炒完後要負傷忍痛含淚地繼續踩返單車出去先慘。幸好terry幫我拉左一段車，拉到佢手抽筋，佢先至要搵肥仔。:)

kenneth的enrollment power好厲害，在人煙稀少的大尾篤都可以向附近的村落人家enroll到支水俾我洗傷口，哈哈，好勁。

回去的途中經過消防局，進去找消防員哥哥幫我包紮傷口，又靚仔又好心地的消防員哥哥真係唔該哂。:)

最後terry和kenneth知道我以這樣的狀態一定出不到大圍，於是陪我到大埔還車，要多付$20，很過意不去。如果我再堅強一點就好了，死忍踩返出大圍，那我就成為烈女了。(烈女不怕死...) 現在還不是。

回家後父母見我這樣好像好擔心，但當我安慰他們「只是好小事，好小事...」之後，他們一樣叫我洗碗洗衫做家務，好命苦。

umum... 我想我不會對騎自行車有陰影的，大家還是可以約我去騎。:) 反正我又不是某人，烈女黎ga ma，烈過鄭烈瓊！況且行路都會仆街la。係咪？

東主炒車，休息數天，係friend者請從速撥輪慰問，限期為睇到此文章後7日內，誤時者後果自負。欽此。

*不過昨天我還是出左去睇《千杯不醉》。*

**有$$$搵一定要去搵，$120/hr的補習去邊度搵，limitation只係唔可以遲過6半，ok，我拿拿臨將4半至6半 0既堂清左佢黎就你個女丫梁生，你千萬唔好搵第個住。唔該。等我。**