我信個世界冇野難倒我 2

自創另類溫泉蛋煮法成功！

成件事真係峰迴路轉。是咁的，之前睇左好多溫泉蛋食譜，好多又話要拮窿又話要冰火又話要80度好多麻煩野 (有個仲話要88度。點解唔係齊頭數80度或者90度，要係88度？我相信除左好意頭之外冇咩特別原因)，卒之比我搵到個勁簡單既食譜—將隻蛋放落滾水焗廿分鐘—好啦咁簡單我梗係照做啦。滿心期待等左廿分鐘，1打隻蛋出黎，DLLM！生勾勾既！同就咁係雪櫃拿隻生蛋出來打落隻碗度一0的分別都冇！咁就蹉跎左我廿分鐘青春！1怒之下將隻生蛋倒落個篩度 (見圖)就咁隊落煲水度烚熟佢，咁就變左溫泉蛋，真係星爺話齋「比你估到我就唔係食神啦」。

用匙羹勁小心翼翼咁刮隻蛋落個兜度之後就要搞個汁喇。0的人話又要加柴魚汁又要加味醂，我屋企乜都冇，求那其溝左0的生抽黃糖同水撈撈埋埋又掂左。

除左邊邊0的蛋白熟得滯之外，中間真係浪下浪下蛋白蛋黃既溫泉蛋黎架。個汁甜甜地，雪1聲啜隻蛋入口，0的蛋汁同蛋白暖暖地咁係個口度浪下浪下，甜蜜又漫長。我真是1個天才小廚神啊！多哂拜 :-)