我都知以我咁不拘小節既性格走去做管數終有1日會賴野。話說今日我真係賴野，報價比0的客報細左皮幾野，都係因為我計錯數，差0的累公司蝕$$$，好彩阿頭幫我補左飛，唔洗蝕，唔洗係我人工度扣，但係都難逃比老細小到上天花板既命運。我都知總會有呢1日ga la，講堅我都唔可以接受自己咁樣錯，所以我平時已經1盤數check幾次ga la，比好大壓力自己……唉，都唔知點解……

我想同阿老細講，下次如果我又賴野，你小我小到上天花板冇所謂，扣我人工都冇所謂，但係你千祈唔好淨係比warning我，千祈唔好比機會我，因為我淨係想你炒左我。

我而家太大壓力la，晚晚會訓訓下醒，有時發夢會夢見自己做緊公司0的數，朝頭早會因為唔夠訓而喊，夜晚冇得同屋企人食飯，要自己1個叮翻熱0的飯然後自己食，撈飯既電視節目係《蘇good》而唔係劇集，然後諗起今晚又會唔夠訓，又會喊……負能量太高，好易喊。不過頭先比老細屌，我都冇喊，反而之後阿頭問我呢排做乜做野既speed同accuracy都低左，又做到咁夜，係咪好多野做果時，我差0的喊；跟住我同佢反映返我有幾多野做之後，佢就話不如我每日mark返低自己做左幾多野，等佢可以因下0的工作量……我屌，咪即係又要我做多樣野……我而家已經日日做唔哂0的野，今日比老細由7點幾屌到8點，又冇哂0的時間……我由初初返工到而家已經經歷左肥左又瘦左既階段，初初返工成日好眼訓要猛咁食野，到而家連杯水都唔得閒飲，我全日淨係去兩次廁所咁多ja！係朝9晚9 wor！勁到呢……