都話左我呢0的咁不拘小節既人真係唔岩做呢份要管數既工ga la！我前日篇entry已經講左，我都知，我1定會再賴野！事隔兩日，即係今日，我又賴野！我又計錯數！又令公司蝕左幾千銀！我都話左ga la！雖然我意識上每1秒都係好1絲不苟咁做數，但係因為我潛意識都係駁炒，所以我又唔知做乜又計錯數！我都知ga la！老細的我入房第1句就係︰「我對上1次係幾時話過你ah？琴日定前日ah？」跟住又比老細小到上天花板！但係今次佢小完我之後又原諒左我！我屌！點解你要原諒我！點解你唔炒我！你地睇到呢度1定會以為佢係1個好包容好比機會我既好老細，我同你地講，你地千祈唔好比佢既假面具厄到！話說前排我個同事仔靜雞雞爆料我知，話有1日我好早7點又放工走左，老細見到就係我走左之後指住我個空位同我掃把講︰「wendy做乜咁早走ah？冇野做ga佢？」跟住叫我掃把比多0的野我做！試問1個覺得員工7點走係早走於是覺得要比多0的野佢做搞到佢晚晚9點走既老細點會係1個體恤員工既好老細！我有理由相信佢唔炒我只係請唔到人，或者費事請個人返黎由頭train過！佢點會單純係包容我同埋比機會我丫！食屎la！

講返呢兩單野，我掃把真係慘，比我累到佢都要比老細小，仲要幫我咩埋0的麻煩鑊！雖然佢都有錯，佢錯在太信我，成日睇都唔睇我0的野就approve。我真係1個仆街，點解我個樣要生得咁可信！累到掃把比我跣完1鑊又緊接1鑊……我對於我個樣生得咁可信呢件事，真係好內疚。

不過今日返工都有開心既事，就係lunch同0的同事仔出街食飯。話說平時大家都帶飯係公司食，0的老細ah掃把ah都係哂度，講是非都唔可以咁暢所欲言，今日1齊出去食，簡直將連日來大家既屈結發洩哂出黎！今日食食下有個同事仔突然講︰「我真係唔可以再過0的咁既生活la！晚晚咁夜走，日日除左返工做野就係訓覺，仲要晚晚訓得唔好，訓訓下會紮醒，又成日發夢夢見自己做緊公司0的野；又成日食唔落野，個人瘦左勁多；日日水都唔得閒飲，唔敢去廁所……再咁落去我真係就黎死！我想公司快0的炒左我！」

佢講完呢番話之後，其餘5人(包括我)，即刻同時放低手上既碗筷，然後1齊捉住佢隻手，大叫︰「我都係ah！！！」呢個場面真係太震撼，亦都太令人感動！原來大家都係同我1樣訓唔安食唔落，佢講既簡直同我前幾日係xanga度打既野1樣！原來大家都好想比人炒！絕望中突然比我得到1種有人同我走緊1樣既路既安慰！仲要係5個！真係好感動！感動到喊！出街食捱貴飯原來係值得ga！雖然呻完1輪之後既結論係大家都真係好折墮，但係當有人同你1齊折墮既時候原來其實都唔係咁折墮。

其實我已經好幸運，咁既時勢仲有份咁穩定既工(駁炒都冇撚得炒)，有個咁包容我寬恕我到同耶穌冇乜分別既好老細，有個咁信我既好掃把，有1班同我1樣身處「折墮共榮圈」既好同事，有晚晚等我返屋企呻又同我祈禱既好爸媽，仲有密切留意我既慘況又留言甚至致電慰問既你、你同你。多謝。聽日星期6 la，let's celebrate and let our good times roll. cheerz. :-)