終於結束了！
嚴格來說，不可以說成是「完滿結束」；因為有很多「哈碌」、很多擔憂、很多挫折、很多意外……
直到inaug開始前的1分鐘，我仍然是極度擔心的，inaug進行期間也是坐立不安……
晚上7時多與阿豆到火車橋接guest，我不停向他轟炸︰「死la我好驚ah，我地rehearsal左1次咁多ja，唔係，係1次都唔夠ah，好似半次都冇ah，1陣中途發生咩突發意外咁點算……」
好像inaug那早上的om lecture，我就1連接到兩個電話—1個打來說晚上做不到helper，1個說借不到照相機……
講完電話後，我跟坐在隔離的阿光說︰「救命，我心血少受唔住咁多刺激ga大佬……」
這些事其實我都預左，不過「預左」其實又不代表什麼……
所以真的很很很感激兩脅插刀的朋友們仗義相助。阿豆阿恆肥鴨，雖則我預左任何人會放我飛機但我知道點都唔會有你地份。正所謂小福出品必屬佳品。我知道你們都很忙，「代表作」我又唔理，又要多多要求又要早到又要著suit又盛，但你們仍然很體諒很支持很願意幫助我。大佬，我可以點報答你地？
ada，本來說要6時半走，後來唔爭在做到7時，到最後推哂0的meeting 11點先走。妳成日都咁為我，我又為妳做過什麼？
阿甘講野成日冇句真，但係做野其實又好認真。
阿sam越來越叻！
gary又係掂掂掂。
哈哈！雖然helper有很多「哈碌」，但希望大家都不要責怪他們，怪只好怪我不會安排又冇交帶。不過我promise，下次如果我再做同樣的工作，我會再做好1點。:)
阿豆肥鴨，inaug完左，雖然尚有很多煩惱，但我會擺返多0的effort落「代表作」ga la。:)
請豬皮果度又係搞笑。inaug前兩天聯絡上他。怎樣找到的呢？是在阿恆的xanga。因為我們都不約而同地在阿恆的xanga留言！透過xanga上的e-mail找到豬皮。想不到豬皮原來會為我們的inaug，甚至為我們的ayp生色不少。真係誤打誤撞，足不出戶都可以遇貴人？大家姐臨急臨忙整name tag整souvenir又係掂掂掂。
如果要批評這個inaug的不足之處，老實說，實在有很多很多；不過，換個角度看，美麗的、值得欣賞的東西又有很多很多。單是莊員們為這個inaug的不眠不休、心力交瘁，所付出的1切1切，已多得足夠上建力士世界紀錄大全了吧。:P
「哈碌」？唔緊要la。火車橋上的阿豆安慰我說︰「有『哈碌』先至真實ga ma。樣樣都0係妳預計之中有咩意思？可能就係因為呢0的『哈碌』，先至令妳幾十年後諗返起，poly ayp 0係2006年4月26號既呢1晚所發生既事係幾咁深刻……地瘀ah ma。:)」
各位親愛的莊員們，辛苦哂 & 多謝。
*****
今年4月，我會把它命名為「黑色4月」；英文名字"The Funeral April"。
哭的次數應該比上年全年哭的次數的總和還要多。
真係唔知做乜，喊原來可以同笑1樣咁易。
昨晚哭了1遍，今天又哭了1遍。
實在是心力交瘁。
原來現在連小福中福也好像……出現問題？
是不是有人的地方就有紛爭有conflict？
這些紛爭可以怎樣解決？
其實大家知唔知道，當大家正在用1隻手指指著別人時，實在係有3隻手指指著自己？
慚愧。
問我點解喊ah？唔夠訓卦。所以昨晚我不顧1切睡了10小時，你地要鬧既就鬧爆佢la。
肥鴨話齋︰「唔可以再做忍者，要學識點樣愛自己多0的。」
我知道，家人朋友都愛我。所以我要學會更愛自己，才可以給你們付出更多的愛。
有breakdown就會有breakthrough。
多謝。多謝哂所有令我有breakthrough的人。
*****
另附︰阿恆4月23日之日記@xanga
就是這篇神奇的entry令我巧遇豬皮。其實我都想quote這篇entry好耐，皆因阿恆所提出的討論係經典之餘，豬皮既回應又係精警。為什麼上帝對我那麼好？賜給我的朋友都是掂掂掂的。:)
其實他們所說的我唔係好睇得明諗得通，但係應該係勁既。共勉之。哈哈~
阿恆的post︰
有時候，自己不禁會問自己「到底我係唔係一個好Leader?」
基於結果，唔係。
之後，帶出了一個新問題「為什麼要做一個Leader?」
如果自己的位置不是一個Leader，卻貢獻比Leader 還要多，條數點計先計得準呢？
作為Leader你會為比而自豪，還是自責呢？
做一個Leader，到底是為團體創造價值，還是為自己呢？ 邊樣多？
不論如何，結果已經放在眼前。
作為Team member，你會為你所付出、貢獻而得來的成果感到自豪，欣賞、確認自己的能力。還是責備Leader的付出比自己少，有種很委屈、很慘的感覺，覺得被人呼呼喝喝，成日覺得俾人睇住，無晒自由？
作為Leader，除了指責Team member 的不是，還會做什麼去改變、團結大家一起向前？
這是選擇，沒有對錯 Work 就得，每個選擇都是不易的，是有代價的
有個賭場
A 帶了20元，結果走的時候他擁有10000元
B 帶了10000元，結果走的時候他都有10000元
C帶了90000元，結果走的時候他只有10000元
結果一樣，感覺完全不同
如果你有90000元，你會怎麼辦？
Ｐ．Ｓ．想事情的發生，人是不會呆坐一角等待白馬王子的出現，自己付出努力去追尋、去冒險，得到的好有可能不是自己心目中般的完美，但總好過虛渡。
豬皮的回應︰
我都講過.
無論係一個leader 或者係一個team member
想成功必需建基於尊重以及信賴
但是成為一個leader, 必需要的是眼界, 視野
看到的不是缺點, 短處, 而是改善, 進步的空間
了解點解人地有一千元入賭場, 有一萬元出來
了解點解人地有九萬元入賭場, 有一萬元出來
但是兩個人都是笑著出來的.
可以了解他們的目的, 做法, 可能發現一個入賭場是出糧的. 一千元入, 一萬元出
另一個人九萬元入, 是來還賭債, 八萬元化水後用來換來一家平安. 抵
你永遠沒法只用腦去知悉別人想法
有口的, 就要善用語言
有耳的, 請傾聽
有手腳的, 請走近
有眼睛的, 睜大一點看
呢一個就係leader 同member 的分別
但係. 一個leader, 可以係一個member
一個member, 亦都可以隨時係你要依靠的leader.
希望你覺得有用
J@ke
No comments:
Post a Comment