強姦2制服誘惑

今天無聊屁眼痕癢跑去看本blog的瀏覽統計資料，一看之下真真不得了。我這個近乎沒更新的blog，每天都竟然還有瀏覽量都不算出奇了，有趣的是，今天竟然被我無聊大發現，本周最多人瀏覽的文章，竟然是三年前的一篇文章！而那篇文章竟然是



《玉蒲團3之官人我要》！

真是令人百思不得其解啊……連《3D肉蒲團之極樂寶鑑》都落畫已久啦，這年頭怎麼還有人看《玉蒲團3之官人我要》啊……根據資料顯示，來本blog的多是從搜尋器連進來，搜尋關鍵字如下︰



幹怎麼這年頭還有人在搜尋「玉蒲團3之官人我要」啊！

而最吊詭的是，我寫的那篇《玉蒲團3之官人我要》根本跟那部電影一點關係都沒有啦！

就像這篇，也跟《強姦2制服誘惑》一點關係也沒有啊！

起這個文章標題，純粹是為了緬懷三年前的我起文章標題時亂七八糟的情懷而已。

噯，那些因為搜尋「強姦2制服誘惑」而不小心連了進來被騙的諸位就不要抱怨了啊，只好怨自己太幸運吧，有幸來到我的blog。什麼？我的blog很廢？幹！扣你五十分！

無與倫比的自由

頭先有個自稱長江集團旗下金融理財公司既agent打來想約我出來傾下，吹左半個鐘水，不果，最後我同佢講︰「你老細係李嘉誠呀嘛？我唔鐘意李嘉誠，我連百佳都唔去。」佢最後終於放棄。我同佢講︰「咁你早d訓啦拜拜。」

*****

目畢全程的打令在我收線後話我︰「妳咁樣玩9人半粒鐘，妳變態架？」拿，話就笨唔係咁講喇，你都聽到我同佢講左不下數10次「其實我唔需要」，但係佢係都要死唔斷氣，咁我又費事係佢講到半路中途cut佢線咁冇品，咪同佢傾訴下囉。我地最後都係和平話別架—佢知我係街，仲叫我唔好玩咁夜添，我知佢仲未放工，我都叫佢早0的返去訓，成件事幾咁和平，幾咁友愛，仲依依不捨咁講左幾次拜拜添。你有冇諗過，其實夾硬cut人線，又何嘗唔係1種剝奪人地言論自由既暴力呀？雖然我唔妥地產霸權，但係我呢0的「和平理性」既「激進80後」係笨唔會「以暴易暴」既。

*****

打令又話我︰「問題係妳哂左人半粒鐘呀！人地本來可以做多幾個cold-call架！」拿，又冇話邊個哂邊個半粒鐘既，咁佢夠哂左我手機半粒鐘電，又哂左我半粒鐘通話分鐘啦，咁我今個月爆分鐘係咪佢幫我比丫？我都冇追究啦。你呢0的人成日自以為好心，人地講唔夠3秒就cut人線，人地開場白都未講完呀！你知唔知你對人做成幾大挫折呀！我同佢傾足半粒鐘，足以協助佢練熟0的對白，訓練佢既口才同應變能力，等佢係面對下1個客人時更有自信心，你知唔知我幾用心良苦呀！佢開頭講來講去3幅被，直到我同佢講我唔幫襯李嘉誠，佢竟然考返我轉頭問我知唔知李嘉誠旗下有咩公司呀！幾叻女呀！我幾欣賞佢呀！李嘉誠應該多謝我同佢訓練出咁優秀既員工添呀！