Tuesday, August 16, 2011

風華絕代的正義

其實我想講扶手電梯左行右企既概念已經過時,係扶手電梯上面無論​左定右都應該企定定先至安全。所以我每朝最鍾意做既就係係繁忙返​工時間既地鐵電梯企係左面,唔比人行;當0的人係我後面猛咁「唔​該唔該」示意我阻住佢,我最希望自己有朝1日可以夠膽擰轉頭同佢​講︰「行行行!跌死你呀!!!」

*****

所以有時我會同阿妹係屋企演練呢個場景。有時我會扮「唔​該唔該」果0的人,我阿妹就會擰轉頭,皺住眉,以極度恨​鐵不成鋼既表情同埋教育電視果種極度矯枉過正既既口吻同語氣同我講︰「你知唔知係​電梯上面行係好危險架?!!!」

*****

不過有時我會覺得,如果我以我既正義去剝奪其他人係電梯​上面行既權利,又何嘗唔係1種霸權,1種暴力;所以到今​時今日,直至今朝,當有人係我後面「唔該唔該」,我都係​會閃身比佢過,不過佢過左之後我都係係心入面告誡佢︰「​行行行!跌死你呀!!!」這樣我既維持了自己的正義,只​要條友冇仆街,或者電梯冇發生故障,世界也1樣和平。 :-)

*****

自從拍了拖後越來越少寫blog了,打令問,不會覺得很可惜嗎?我說,不會啊,我在故我寫,只是文字的載體不同—從前我把情話寫在blog裡,現在我把愛意寫在你的心裡。

12 comments:

撈月亮的人 said...

這兒一向很熱血的...... 怎麼末後一句卻sweet很令人為之一痺呢!

戀愛的魔力多驚人啊!

熊貓王 said...

嘩嘩嘩!最尾又放閃光彈!

brownie said...

甜死人啦~~~~~

我和你不同,我最憎就是在擠迫的車廂中,車未到站就有人話「唔該借借」,我心諗「借借借,邊有位借俾你?」;有次去灣仔返工,返工已經燥啦,仲要有個死肥佬唔識相,好好地有個位唔坐,在兩個站之間企身,問我「小姐,你係咪下個站落?」(雖然係激有禮貌),但眼瞓到爆的我罕有的大聲答佢「係呀,呢度(手指著前面所有人)全部都係灣仔落架!」死肥佬居然仲好有禮貌咁答「唔該」,啤一聲~

cherry said...

無意中發現呢個blog,
睇睇下,
覺得你寫D野好浪漫,好有FEEL呀!^0^
而且由於你寫呢個blog都有一段時間...
我覺得睇返你以前打既野,
自己都好似返返去以前既時光一樣...

謝天下 said...

「行行行!跌死你呀!!!」

令我想起《強姦2制服誘惑》中開場咖啡妹的對白,說完她就被姦了。

http://www.youtube.com/watch?v=5fZdTt6HL8s

WEnDy said...

MR MS:

熱血是我的其中1面,骨痺亦然 :-)

WEnDy said...

熊貓王︰

那不是閃光彈,那是「久未更新的原因」,你懂的 :-)

WEnDy said...

Brownie:

佢可能屎忽痕想起身r,見妳企係度於是想讓座比妳,點知妳唔領情 :-)

WEnDy said...

Cherry:

謝謝妳 :-)

WEnDy said...

謝天下︰

幹 :-)

文少 said...

你應該同佢講﹕「唔該借借﹖幾時還先﹖」
而比住係我﹐我會講﹕「借你個頭!」

WEnDy said...

文少︰

如果我說「唔該借借﹖幾時還先﹖」那人應該就會罵我「還你個頭!」啦