「論本土
本土意識嘅真正精粹係自我主權/個人主權，或者叫自主意識
人嘅自我主權係一切嘅政治權力來源，本土意識嘅本質就係行使自我主權，我嘅地方我話事，本地一切嘅政治要為我嘅利益服務。
只有我先可以決定自己嘅事，係本土意識嘅開端
論民主
講到呢度，你可能會發現民主理論嘅出發點都係一樣，就係人嘅自我主權。只有自己先有權決定自己嘅事。
經過人類歷史摸索，發現最有效體現自我主權嘅社會組織模式係代議民主－即係每個人將部分個人權力授予代理人行使自己嘅權力。
論假本土、假民主
既然本土意識同民主理論嘅核心都係一樣，唔難發現脫離左自主意識嘅本土就唔係本土，唔容許自主意識嘅民主就唔係民主
本土意識聲勢日漲後，開始引起班愛國者注意，企圖混水摸魚分一杯羹，扮本土僭建偽本土論述，例如咩愛國愛民係本土，平反六四又係本土等等，認真好笑
呢個時候，分真假本土就要用自我主權呢個工具。同樣，愛民主中國之類嘅理論都可以用自主意識去分辦真民主定假民主。無自主，無民主；無自主，無本土。」
— 《跨民族愛國只會是人類災難》
No comments:
Post a Comment