「中港之間就算有共同反共責任想象，但六四集會呢種行動算唔算真愛國呢？六四集會純粹係做大家嘅心靈安慰，對反共毫無效果。呢種主要為自己而做嘅道德行為稱之為道德消費，因為為他人好嘅話，就做d對他人有用嘅野；一樣對他人無用嘅野重覆做廿幾年算係為自己多d啦。
講到底，愛國始終都係行動，齋講感情唔係愛國。真正嘅愛國可以係示威、遊行、投票、寫文、搞環保、搞文化保育，甚至革命等等，五四運動就有中國人嘅真愛國：罷工罷市、抗議示威、火燒趙家樓、毒打賣國賊等等，今日中國咁和諧，可見中國自己都無幾多愛國者。
香港人嘅真實愛國係對香港社會環境嘅嘅承擔，應該稱為愛港，香港守護社會嘅行動都唔算少，已經有愛國(港)者啦。香港現時最大嘅社會責任缺口係革命。投身革命嘅香港人，係地球上最愛香港嘅人。革命係最高級嘅愛國模式，因為犧牲最大。
真愛國嘅精神不離社會、責任、承擔三個字。大家要習慣將愛國兩個字翻譯成 承擔保護社會環境嘅責任，來透視語言嘅蠱惑。」
—《跨民族愛國只會是人類災難》
No comments:
Post a Comment