好複雜、好難、好複雜、好難。

我咁單純。單純係優點定係缺點？

我咁聽話。聽話係優點定係缺點？

世界上冇對錯。客觀上黎睇只係觀點與角度既問題。咁咩係「客觀」？世界上根本冇客觀。點解冇ah？客觀只係主觀既相反。有主觀係因為每人既觀點唔同，所以有主觀。但唔代表有主觀就有客觀。正如有光，但係冇黑暗。因為黑暗只係光既相反，但唔代表咁就有黑暗。

形而上既問題，我搞唔清ga，我咁單純。

更甚既係而家既問題並唔係僅僅只係牽涉到形而上既問題。根本analyze完又analyze，出到黎根本就搵唔到個解決既辦法。所以講咁多野都只係bullshit。

好難、好複雜。點解人生係咁複雜？

我咁單純，在於我黎講人生只係及時行樂ga ja，我唔想亦都唔識諗咁多野。但係如果我唔諗，我又只會成為一個傀儡，一個ordinary，而唔係extra-ordinary。

可能我根本一開頭就冇諗過要做extra-ordinary。

但係我又唔想只係做一個ordinary。

情形就好似，我好單純，我都唔想咁單純；但係如果我唔單純，我又複雜唔起。

咁我應該選擇繼續單純？定係... ... 點ah？我都唔知可以點。

好難、好複雜、好難、好複雜。

(有冇發覺呢個entry好厄post？冇人知我講緊咩。我自己都唔係好知。你知la，我咁單純。我係阿旺。)