Sherlock S3 E2 The Sign of Three

有冇人同我一樣覺得有生之年見到John結婚Sherlock做best man係一件好幸福嘅事 :-(

今集Sherlock好可愛呀

佢個best man speech好感人⋯⋯喊死左 :-(

佢真係好愛華生 :-(

以下瘋狂劇透

華生搵佢做best man，佢完全呆左，因為佢冇諗過自己係華生best friend :-(

面癱了但心裡還是有點小激動吧 :-(

而其實佢一路都已經當華生係佢best friend（因為佢得華生一個friend子哈哈），但係佢對於自己做唔做到華生best friend就咁冇自信

好脆弱的心呀（什麼跟什麼

然後華生big day對於佢黎講其實係一個battle（笑

各樣不符佢平時機智冷靜嘅舉動

人地攝影師叫你企開啲啦DLLM XDDD

佢連餐巾都特登上youtube學摺呀（可愛仔

一個唔覺意摺了很多（笑

然後佢講左一個史上最感人嘅best man speech，我睇左好多次，每次睇都喊死左 :-(

今朝淨係睇文字版都喊左 :-(

當然都感動左座上所有賓客

佢見到所有人都喺度喊，佢好緊張自己係咪講錯野搞喊左人，好著急的樣子（可愛仔

然後華生忍唔住攬左佢（佢心諗太可愛了Sherlock BB

但係Sherlock完全唔知發生乜事，淨係猛咁諗住想繼續講埋個speech，冇等華生坐返低又開始講 XDDDD 華生話你可唔可以等我坐返低先講呀 XDDD

Sherlock乖仔（摸摸頭

然後灑狗血完了，戲肉來了

基本上今次嘅謎題就係有人要喺華生嘅婚宴上面殺一個賓客呀！然後一路講緊speech嘅Sherlock都留意到了，但因為佢要繼續講speech，唯有一路腦內解謎一路繼續講

然後這裡突然帥起來了（心心

就這樣了，都係唔劇透了（很想要吧

我覺得今集個劇本好出色呀，一篇best man speech貫穿左成個劇本，仲用埋黎解謎

據聞原著華生係有結婚，但故事裡面係冇講過佢個婚禮係點的，故事與故事之間直接跳過這樣。而當年仲係12歲嘅Steven Moffat（《Sherlock》製作人之一），睇緊原著嘅佢就諗，我好想睇Sherlock做伴郎呀，於是大個左就寫了這個 XDDD

基於Sherlock對華生滿滿嘅愛，佢嘅best man speech一定係史上最精彩的，Steven Moffat寫呢一集果陣心諗

然後佢自己都寫到喊（笑

以下節錄：

"All emotions — in particular, love — stand opposed to the pure, cold reason I hold above all things. A wedding is, in my considered opinion, nothing short of a celebration of all that is false and specious and irrational and sentimental in this ailing morally compromised world."

毒舌開頭

"If I burden myself with a little help mate during my adventures, this is not out of sentiment of caprice. It is that he has many fine qualities of his own that he has overlooked in his obsession with me. Indeed, any reputation I have for mental acuity and sharpness comes, in truth, from the extraordinary contrast John so selflessly provides."

繼續毒舌

"The point I’m trying to make is that I am the most unpleasant, rude, ignorant, and all-around obnoxious arsehole that anyone could possibly have the misfortune to meet. I am dismissive of the virtuous, unaware of the beautiful, and uncomprehending in the face of the happy. So if I didn’t understand I was being asked to be the best man, it is because I never expected to be anybody’s best friend, and certainly not the best friend of the bravest and kindest and wisest human being I have ever had the good fortune of knowing. John, I am a ridiculous man, redeemed only by the warmth and constancy of your friendship. But as I am apparently your best friend, I cannot congratulate you on your choice of companion.

Actually, now I can. Mary, when I say you deserve this man, it is the highest compliment of which I am capable. John, you have endured war, and injury, and tragic loss — so sorry again about that last one. So know this: Today, you sit between the woman you have made your wife and the man you have saved. In short, the two people who love you most in all this world. And I know I speak for Mary as well when I say we will never let you down, and we have a lifetime ahead to prove that. Now, on to some funny stories about John..."

然後神逆轉，最後兩段喊死左

（我今朝就係連睇呢個文字版都喊 :-(

Sherlock成日話自己係sociopath，其實佢一啲都唔sociopath，佢都有自己重視嘅人，而佢都用自己嘅方式去愛佢地

Mrs. Hudson啦，Mrs. Hudson比Mycroft鬧果陣佢會好惡咁迫Mycroft道歉；Mrs. Hudson比人打，佢瘋狂咁掟果個人落街（笑

Molly啦，唔計mission impossible嘅FF片段，Sherlock總共借啲意錫左Molly兩次！！！一次係聖誕party佢眾目睽睽下唔小心（！）踢爆左Molly鍾意佢，Molly勁尷尬勁難受，而一向唔同人say sorry嘅佢竟然同Molly道歉，仲錫左佢一啖（連華生都好驚訝，心諗Sherlock竟然會同人道歉 XDD

第二啖就係Sherlock知道Molly已經有男朋友了，佢唔可以再好似以前咁瘋狂使喚佢了（這什麼），多謝妳一路以黎對我嘅愛呀，小弟無以為報，唯有祝妳幸福，錫妳一啖again（我呢度都有喊死左 :-(

"You do count. You've always counted and I've always trusted you."

收兵之最強段數（what?

當然仲有Lestrade，Sherlock最愛蘇格蘭場小警察，要報警一定要text佢，唔可以自己打999

最後當然係最愛嘅華生啦 :-(

知道華生要結婚，各種緊張各種呷醋各種祝福百感交集的小Sher Sher :-(

最後附送彩蛋

一開始Sherlock讀親友賀電，有個叫Cam嘅人。其實佢唔係叫Cam，佢係叫CAM！！！係第3集個大魔王Charles Augustus Magnussen嘅簡寫呀！！！

最後奉上福利

上集mission impossible佢臨錫Molly之前搞過個頭，大概係覺得自己撥頭髮個樣好型棍子，於是今集又對正鏡頭再撥

啊！心花怒放了我

此乃分隔線

話說我都睇晒Season 3了，終於追上同大家一齊等出年年頭嘅season 4了（笑

但係我好不爽又見到Moriarty個浮誇仔呀，好樣衰呀佢，可以快啲死嗎佢 XDDD 

嗯，我期待著

Sherlock S3 E1 The Empty Hearse

型棍子到核爆。我將自己代入左做Molly睇左呢場十幾次

雖然一路睇一路屌「乜撚野呀mission impossible呀」

感謝Mycroft哥哥，這肯定是給各位Sherlock腦殘粉的福利—賞賜大家代入Molly一千次

And This is Just Losing

Sherlock Holmes: Sentiment is a chemical defect found in the losing side.

Irene Adler: Sentiment? What are you talking about?

Sherlock Holmes: You.

Irene Adler: Oh dear God. Look at the poor man. You don’t actually think I was interested in you? Why? Because you’re the great Sherlock Holmes, the clever detective in the funny hat?

Sherlock Holmes: No...[Takes her hand and leans in to whisper] because I took your pulse. Elevated. Your pupils dilated. I imagine John Watson thinks love’s a mystery to me, but the chemistry is incredibly simple and very destructive. When we first met, you told me that a disguise is always a self portrait, how true of you, the combination to your safe – your measurements. [Holds up her phone] But this, this is far more intimate. This is your heart, and you should never let it rule your head. [He starts entering digits] You could have chosen any random number and walked out of here today with everything you worked for. But you just couldn’t resist it, could you? I’ve always assumed that love is a dangerous disadvantage. Thank you for the final proof.

[She grabs his hand, desperate. Tears are starting to form]

Irene Adler: Everything I said. It’s not real. I was just playing the game.

Sherlock Holmes: I know. And this is just losing.

[He holds up her phone, having finally deduced her password. It reads I AM S-H-E-R LOCKED]
瘋狂雞皮。然後這段台詞我已經會背了

Sherlock S2 E3 The Riechenbach Fall

拖手了

好憎Moriaty，好憎佢成日扮撚晒野咁，又要纏住Sherlock。Sherlock是華生的好不好！！！去死

I am SHERLOCKED!!!

i am sherlocked!!! i am sherlocked!!! i am sherlocked!!! （因為很重要所以要講三次

這個梗很老土但這一場不論看多少次都會起雞皮

然後"Fangirling"，這個新生字是我從sherlock粉的留言裡學會的，顧名思義這樣我都不用解釋了

即是花痴！！！

所以其實所有被Benedict Cumberbatch哄到好埋的人都會pulse elevated, pupils dilated, and FANGIRLING!!! Sentiment is a chemical defect found on the losing side!!!

冇咩事我返出去花痴了（關門

終極Date~ 戀愛究竟是什麼

好吧應該是最後一篇了，因為我已轉沉醉在《Sherlock》的世界了。（跟古美萌和依子和巧一樣是一輪嘴說話的反社會痴線佬戲碼，但今次是洋人，Benedict Cumberbatch的英式英語很好聽啊

先說明這篇會有詳細劇透

之前都說過了，這劇頭5集都很歡樂，尤其是第2集，巧一邊辯解自己當高等遊民（即無業遊民）沒什麼不對一邊跳舞快閃求婚笑屎我了。他的樣子超崩潰

天吶 要瘋了 XDDDD

但到後5集我每集都哭死了。轉捩點是第6集，我最喜歡的一集，編劇古澤良太神逆轉

先大約介紹一下整個劇的大綱。就是從前有個冷血理科女依子，她是數字宅，極度理性，對規則有極端的強迫症，每天作息一定要跟規定，每天吃什麼要跟規定，情感毫不柔軟，對戀愛沒有興趣，所以29歲了都沒談過戀愛。她的媽媽早死，爸爸養育她長大，很擔心她嫁不出；雖然她絲毫沒有情感，孝義還是有的，所以決定找婚姻介紹所找結婚對象

然後男主那邊叫巧，35歲，但從來沒有工作過，有社交障礙，讀完大學以後就當家裡蹲由媽媽養，但他自詡為「高等遊民」，因為他每天都躲在家裡看書看電影看漫畫，沉醉於文藝，說這是古代貴族的高等生活。可是媽媽年事已高，不能永遠養他，為免媽媽百年歸老後他要出來工作，於是決定找個妻子「寄生」，即食軟飯 XDDD；恰巧看到婚姻介紹所的資料說依子是國家公務員，收入一定很穩定，是最適合寄生的人選。所以兩個九唔搭八的人就開始展開以結婚為前提的約會

故事就是這樣奇怪的展開了

頭5集大概都是爆笑的約會劇情。第6集開始觸到淚點

以下瘋狂劇透

第6集開始是rewind到依子媽媽臨終前將自己的料理食譜交給依子，她很了解依子的性格很「理科」，但也渴望她能做一些女孩子的事（例如料理），所以把自己的料理寫成食譜交給她，希望她也學一下。她也很了解依子是數字宅，對準確也很執著，所以食譜內所有材料所有份量都寫得分毫不差，依子只要照著做就能神還原媽媽料理的味道

媽媽過身後的第一年新年，依子照著媽媽的食譜煮年糕，果然神還原了媽媽的味道，令爸爸和依子都吃得淚流滿臉

可是，往後的17年，即使依子再依著食譜準確無誤地煮年糕，都再做不回媽媽的味道了

然後各位觀眾看到這裡就會猜那個原因大概就是依子的心太冰冷了，因為媽媽過身後第一年，依子心裡大概還有那種懷念的感情，所以可以做出媽媽的味道；可是之後的十多年，依子已經沒有感情了，只跟著數字作料理，沒有心的話是不能做出好料理的。一定是這樣，因為我們從小看的《伙頭仔什麼》都是這樣講的

然後到了今年新年，依子有了男朋友巧，過新年了巧要到依子家見家長。為了讓巧給未來岳父大人留下好印象，計劃狂依子在見家長前先教了巧作媽媽的年糕，讓他到時大展身手討好未來岳父

然後各位觀眾都猜到了，巧第一次作年糕就做到了傳說中媽媽的味道了！讓事隔17年再吃到媽媽味道的未來岳父和依子再次淚流滿面

哭慘了我 :-(

討好未來岳父計劃大成功！

然而為什麼第一次作年糕的巧就能做到媽媽的味道呢？

然後我們觀眾就會猜個大概是巧為了能和依子結婚，他很用心做。心就是一切！！！這樣

對，我們都看熱血動畫太多了

然後編劇古澤良太神逆轉告訴我們真相

Rewind到17年前依子第一次依著媽媽的食譜做年糕，吃得爸爸和依子淚流滿面，太傷感了

體貼的爸爸為了不讓依子往後每年都要傷心一次，狠下心把媽媽食譜上寫的份量都改了。他知道依子是數字宅，一定會依著食譜準確無誤地做的。這樣一來，越準確無誤地做就越不會做到媽媽的味道。於是往後的17年，爸爸和依子吃年糕時就不用再哭了

那為什麼巧又能做到呢？是他撞手神嗎？No。如果是這樣也太奇蹟了

其實是因為依子本身真的是一個極端數字宅，對數字極度敏感，所以當第2年翻開媽媽的食譜時，她早已察覺數字都被改動過了。但她知道爸爸這樣做是為了不想她傷心，於是將錯就錯，就照著錯的食譜作，大家都不用吃到哭了

直到今年新年，她真的很想巧能討爸爸歡心，於是教了他正確煮年糕的方法，所以巧第一次就做到了奇蹟般的媽媽的味道了！

然後這時各位觀眾終於恍然大悟了，原來我們一直誤解了依子是冷血無感情的動物，但其實她的心一直也很柔軟

人物的設定都漸漸立體起來了

果然是神編劇

哭慘了哭慘了

然後我的第二最愛橋段是第9集，揭開了巧為什麼不找工作甘於當高等遊民之謎

這個從一開始就埋下的伏筆，為什麼巧不願意去工作啊？然後各位觀眾大概都是猜因為他懶啊、不善社交啊、想吃軟飯啊之類

這些都是普遍社會大眾對這一代青年的觀感。為什麼你找不到工作？因為你根本不夠努力！為什麼你買不到樓？因為你不夠努力！之類之類的

屁啦

然後因為小時候巧的爸爸是個教育評論家，一直自豪自己的孩子被自己教育得很優秀，長大後一定成為偉人，可是巧長大後竟然成了廢青中的廢青，他很受挫，自己引以為傲的教育失敗了，一時氣憤離家出走了，於是巧的家變了單親家庭，和媽媽相依為命

然後第9集終於揭盅了。可是各位一直受古澤良太的《Legal High》薰陶下的觀眾一定會猜這個最後的謎底一定是最無厘頭的，畢竟是爆笑喜劇嘛，就像《Legal High》第一季三木律師和古美萌結怨的原因原來只是因為一隻倉鼠，和《Legal High》第二季的悠閒國王子原來一直暗戀的是古美萌而不是黛一樣，一定是超無厘頭的

想不到，那個謎底竟然超・級・認・真

原來巧當年大學畢業後是見過一次工的，是見出版社的，當年還是小鮮肉的巧在見工的時候受盡了侮辱—不是侮辱他本人，是侮辱他爸爸—出版社的人當著巧的面恥笑他爸爸的教育評論是廢話，盡在出版一些膚淺的書。巧本來就很愛他的父母，他的情感很細膩，心也很柔軟，所以他聽到爸爸這樣受侮辱，他很傷心也很憤怒，可是他沒有當場發爛，也沒有打那個面試官，而是，他陪著笑了

就這樣掩飾著受傷的內心假笑了

他從小就受了很多高尚的文學巨著薰陶，知道什麼是清高、什麼是驕傲，對自己的道德標準也很高，可是他就是為了想得到工作，竟然當了自己看不起的人

他發現，要當個依著這個社會規則生存的人，就是要這樣違背自己的內心。他做不到

他情願當個被社會嫌棄鄙視的廢青，也不要違背自己

就這樣了

廢青的背後其實有很大的勇氣和風骨

然後依子對巧的爸爸說，你的教育沒有失敗

我哭慘了！！！

依子和巧其實都是無可救藥的理想主義者，不受正常社會的norm所規限，這個世界的人都以為他們是奇葩，只有他們能互相明白對方

其實是整個社會都有病了，然後唯一正常的人卻被當成瘋子

編劇又在第9集神逆轉了，巧的人物設定也急速立體了起來，由被人鄙視的廢青塑造成充滿傲骨的隱士

就這樣了。第6集和第9集都讓我哭得很慘

好了，哭完了，說一下歡樂的事

話說整個劇我覺得演得最逗趣的就是依子的爸爸了 XDDD

松重豐演《孤獨的美食家》時我也沒覺得他很搞笑，但這套真是搞笑魂燃燒了！！！上圖是爸爸跟依子說他最近和比他小25年的女生談戀愛了，但他很苦惱，因為對方太年輕了。然後依子吐糟為什麼你的樣子完全不像在苦惱啊（明明就很心花怒放大咸濕 XDDD

所以基本上整個劇還是很歡樂啦 XDD

重申一次，古澤良太現在是我的新偶像。以上desu

好了，繼續煲《Sherlock》⋯⋯

繼續Date~ 戀愛究竟是什麼

《Date~ 戀愛究竟是什麼》第7集有這麼一段台詞，是男主罵他爸爸受了挫折後扮撚晒野的：

「我最討厭你的就是這一點了，這都是在演戲，故意住在破公寓裡，明明裝了空調還在用煤油取暖爐，明明買得起蛋糕或羊羹，但卻故意把花生擺出來，你只是沉醉於受了挫折的自己罷了，說什麼13年來背負著痛苦，真正的隱士才不會寫什麼blog，也不會給《Pacific Rim》打35分，你不過是個偽隱士！」

就是說，你要歸隱就直接去隱吧，公告天下自己去歸隱是什麼玩法，誰要管你在看《Pacific Rim》還是《中國哲學史》。受了挫折要自憐也沒關係，但賣小強也有個限度，那隻小強還要是假的呢


雖然這是個純愛劇，但編劇古澤良太在批判偽善矯情左膠大愛普世價值正能樣雞湯方面還是一如以往的銳利

這個劇又擊中我了，明明前5集都很歡樂，後5集我都哭死了，編劇神逆轉。好吧，古澤良太是我的新偶像，以上desu

Date~ 戀愛究竟是什麼呢 7

極速煲完了《Date~ 戀愛究竟是什麼呢》，不愧是古澤良太啊，頭5集笑到掉淚，後5集我都一直哭，簡直是神展開的編劇

話說我一直也覺得談戀愛很痛苦，哭的時間都比笑的多，為什麼身邊的人的戀愛總是充滿幸福，我以為我一直只是找錯對象。呀原來這個劇的主旨就是說戀愛就是痛苦，只有甜蜜幸福的約會只是家家酒。呀他媽的，幹啊，原來我一直有做對啊。他媽的，我們一直談戀愛到底在折騰什麼。殘酷的古澤良太

然後我一直以為要找個陽光男拍拖就會幸福（因為過往的對象都是憂鬱男，而他們的憂鬱也令我陷入痛苦），好吧，現在都沒所謂了。根據古澤良太對戀愛的定義，只要戀愛就是痛苦的吧，跟陽不陽光沒什麼關係

我果然也是不適合戀愛的體質，覺得約會什麼的很麻煩。就由得我做「高等遊民」吧。以上

這場笑死我了。依子訂立結婚契約，定左每周性交兩次，由晚上9點開始 XDDDD 為什麼害羞的會是男方啊 XDDD

佢鬧阿爸比pacific rim 35分 XDDD 應該比80分 XDDDD (有品味

爭個SP就煲完了 XDD 明天繼續

Love Actually

無啦啦重睇《Love Actually》，睇左幾十次，睇到“To me, you are perfect, and my wasted heart will love you”都係喊  😢 明明我已經睇到識背 😢

但我有個驚人發現，原來演咸片男替身果個係華生黎架!!! 我諗左好耐點解佢咁熟口面

我認人好差。尋日睇BJ都諗左好耐點解阿Jack咁熟口面，原來佢就係《Enchanted》個男主角呀!!! 《Enchanted》我又係睇左幾十次

Meatball Machine

原來高橋一生拍過呢啲咁嘅血腥垃圾cult片⋯⋯從影事業真係坎坷⋯⋯

(Youtube有全套的說⋯⋯)

Tokyo Sky Story

我連skytree宣傳果啲微電影都睇⋯⋯隔離條女邊個黎架，企開啲啦DLLM

真・哥斯拉

好可愛呀！！！好治癒呀！！！呢套係我近來睇得最開心嘅戲！！！

高橋一生喺套戲入面係果粉＋數據宅。好萌

所以佢無論係做萌王定做哥斯拉都係會企起身大嗌的 XD

總理的料理番 8

姣西仔笑

終於做完。可以追返《真田丸》。回歸昌幸大叔嘅懷抱 :-(

總理的料理番 7

唔好掂高橋一生隻手呀！這個賤貨！！！

#明明係高橋一生捉住人地

願你知每日每夜為何戰闘

終於選完，可以瘋狂咁J。

千祈唔好同我講4年後再黎過，呢句野我4年前已經聽過，難聽過粗口，絕對唔係一句安慰說話 XD

對於呢個選舉結果，我冇乜唔開心，我地唔好諉過於人，所以我唔會屌港豬。但我啱先都喊左一野，只是心痛教主國師大亨同一眾手足辛苦

冇野嘅，世上冇行唔通嘅路，只有諗唔通嘅人丫嘛。世上只有我地係香港人。總會有出路嘅。係咪?

願你知每步每步和誰奮鬪
別再憂未能動搖命運之手
若結果偏不如意始終無悔
拚命過去追求

願你知每日每夜為何戰闘
別再憂別人未明白自己傷口
為了擁抱難以成真的美夢
你話這是幼稚請幼稚試一試

總理的料理番 5

冇《城寨英雄》睇了，所以可以J返高橋一生

我們的Banner

我每晚行返屋企，都會經過一幅好大嘅鐵絲網牆，佢其實係今屆立法會選舉嘅banner位黎架，掛滿左新東所有候選人嘅banner。我每次經過果條路都覺得好危險，因為佢地張張banner啲索帶都索得好核突，啲頭頭尾尾飛哂出黎，𠝹到啲途人萬劫不復咁。

但係，唯獨是4號陳云根張banner啲索帶係剪哂頭尾架！！！梗係啦，係我地熱血公民嘅手足掛架嘛！！！我每次經過都會比我地手足嘅細心感動到

然後我再望下其他banner上面嘅標語—什麼「誠意」、什麼「拼搏」、什麼「務實」⋯⋯我就覺得好諷刺。你地啲人連張banner都掛得核核突突呀！我點可以信你地係「誠意拼搏務實」呀！「誠意拼搏務實」唔係自己話自己就係架白痴仔！！！


再望下4號陳云根嘅banner，我地冇自己讚自己，上面只係寫左5隻字—「永續基本法」。其實我地熱普城團隊所有海報banner上面都只係得呢5隻字，因為呢5隻字就係我地入左立法會之後要做嘅野。只要你選左我地入去，我地就會啟動五區公投全民制憲，修改基本法第5條，永續基本法，確立香港實然主權。只要確立左實然主權，就可以將基本法改做適合香港嘅憲法了，取回單程證審批權、普選行政長官等都指日可待了

我地嘅banner就係正正話比你聽我地會做嘅野，而唔係好似其他候選人咁只有務虛嘅言詞

而我每次經過呢條banner路都會暗暗希望會有路人同我一樣咁欣賞呢張banner，然後信任我地，投票比我地，就好了

#新東4號陳云根
#新西5號鄭松泰
#港島7號鄭錦滿
#九西7號黃毓民
#九東10號黃洋達

義之所在，心之所往

早幾日同事同我傾開奧運閉幕，我先發覺原來我自2008年北京奧運之後就冇睇過奧運⋯⋯因為上屆同今屆都係忙於立法會選戰⋯⋯等五區公投都成功埋之後，下屆2020可以去東京睇奧運喇卦⋯⋯

呢4年黎好多朋友都問過我加入熱血公民係受薪定做義工架。首先，熱血公民哪有錢你老母，呢啲咁窮嘅組織點會請得起我呀？但我又唔會話我係做義工喎。加入熱血公民唔係咩幫人嘅課外活動黎架，好辛苦架好多野做架，一個唔覺意又會比人恐嚇呀比人拉呀，邊有做義工咁危險架。但係熱血公民每一個成員都會搏盡咁去做佢地嘅崗位，因為我地真係一班熱血嘅公民黎架！我地做咁多野係為左自己架！為左香港架！為左我地嘅安心立命之所架！

香港有好多人好醒，好識計算，為左霸佔眼前嘅利益而不惜犧牲他人；又有好多人好蠢，誤解政治，你幫緊佢但佢又以為你搵佢笨⋯⋯雖然呢啲人係好應該冚家產的，但熱血公民真首領陳秀慧提醒過我地，我地應該心存慈悲，我地爭取嘅，除左益自己，仲會益埋佢地架。我地唔介意。

義之所在，心之所往，就要去做，就係熱血公民

「義之所在，心之所往，就要去做」呢句野其實喺國師陳雲嘅《香港城邦論2之光復香港》第46頁出現過架！我係咪好熟書呀！梗係啦我啱啱先睇完⋯⋯

今屆選舉我主要幫新界東4號候選人陳云根助選，冇錯佢就係我地尊稱嘅國師喇。我諗我第一次認識國師嘅厲害就係我2012年買左《香港城邦論》黎睇。其實我嘅政治啟蒙書係黃洋達嘅《金錢師》，我係因為睇左《金錢師》而加入熱血公民架！哈哈哈哈！諗起都覺得低能。但《香港城邦論》真係勁到爆炸架！佢寫得好顯淺易明，但係講緊啲好勁嘅野喎

即係以前啲泛民成日話要中國有民主香港先可以有民主，搞到我捐左咁多錢比支聯會買蠟燭，但《香港城邦論》Chapter One就話你聽，如果中國有民主先過香港，香港就仆街啦，你諗下中國13億人嘅民智同「如果不是我們，你們就完蛋了」嘅氣焰，如果佢地有一人一票，鏟平香港都得呀。我睇到呢度，簡直係當頭棒喝。係喎，點解啲咁易明嘅野，我地會比泛民厄左幾廿年

仲有好多架，佢仲有講香港其實不嬲都有實然主權，香港人根本唔洗買中共怕，因為係中共冇左香港唔得！嘩，你諗下，呢啲咁勁嘅野，係出現喺2011年出版嘅《香港城邦論》喎！5年前喎！陳雲簡直係本土思潮之父呀！

所以我成日推介《香港城邦論》比朋友架，又淺又易明，但勁！

國師個人都係一樣啦，佢啲演講都係簡單易聽，語氣溫和，但係內容都係好有力量，勁到核爆！

佢就係我今屆助選嘅候選人喇，你地新東選民個個都要同我投票比佢！！！

當然，為左完成我地五區公投全民制憲嘅偉業，你地其他區嘅都要投哂比我地熱普城嘅候選人！！！

學台長梁錦祥話齋，今次選舉熱普城五區當選唔係終點，而係香港建國嘅起點！！！

又原來國師連鐵山靠都識，我下次見到佢要問下佢識唔識猛虎硬爬山先得

#新東4號陳云根
#新西5號鄭松泰
#九東10號黃洋達
#九西7號黃毓民
#港島7號鄭錦滿

城寨英雄 19

前日果集三姨婆叫拳佬去同刁蘭訓，拳佬好怕醜咁話︰「我仲係男仔黎架」嘩真係好嘔心。一個40歲嘅大男人先黎拍呢啲小子成長戲。點解煎pan要而家先懷才得遇。算了，因為佢靚仔我原諒左佢

跟住朋友話但如果搵真後生仔拍又會唔好睇，咁佢又啱

煎pan扮羞澀個樣真係好萌

然後我無啦啦download左煎pan個fan club個app做左「好鵬友」。日日睇佢啲相。真係好痴線。

緣份已經無意中開了路

佢有句歌詞係「太多傷心感嘆號」！！！咩傷心感嘆號呀！！！咩年代黎架！！！好娘呀呢個term。我次次聽到都會笑左。

好啦其實我覺得呢套劇幾好睇呀。好膠咁。但係集集都有人要救有壞人要打，有世仇後代嘅愛情，有正直青年愛上殺手，主角係傻仔小子成長橋，成套劇都係經典套路黎架！！！我好鍾意呢啲ON9野的！！！

然後你完全係會估到同鄉會三巨頭最好打果個一定係從來都冇出過手嘅柯萬長。而柯萬長後面一定又有一個終極boss咁架嘛。哎呀我真係好鍾意呢啲估到哂嘅戲呀！

然後我已經follow左煎pan個ig哈哈。日日J咁。

＃緣份已經無意中開了路

＃其實我覺得刁蘭好煩佢幾時死呀

而家我晚晚睇呢套劇，搞到我啲《真田丸》停滯不前。

總理的料理番 4

今集得好少乍 :-(

#皇帝的微笑

總理的料理番 3

哄到我高橋一生BB咁埋做乜呀！這個臭貨！

＃明明係高橋一生自己哄埋去
＃點解敵對嘅人成日要哄到咁埋講野

總理的料理番

呢套《總理的料理番》真係非一般咁悶！睇完第一集，悶！睇完第二集，悶到訓左！如果唔係有高橋一生J下我真係唔會睇落去……

話說這個微笑叫「皇帝的微笑」，意味不明……

為左繼續cap J圖，我會繼續睇……陰功。

Swing Girls

[尋找高橋一生的故事] 《Swing Girls》，2004年嘅戲，高橋一生24歲，飾演地上最強吹奏樂部部長！話說呢套戲我睇左幾廿次都從來冇為意過呀吹奏樂部部長，因為呢套戲嘅主角根本就唔係吹奏樂部！！！只係一隊雜牌軍！情形就等同《交響情人夢》嘅A樂團同S樂團咁喇～ 咁故事當然係專注於果隊爛泥雜牌軍啦！所以呀吹奏樂部部長全套戲夾埋嘅戲份大概有一分鐘到啦！而我就係為左cap呢1分鐘嘅圖睇左104分鐘喇～ 多謝～

夢幻街少女

因為M仔到好頭痛好需要慰藉，所以找了高橋一生 （即係貝原BB）1995年配音的《夢幻街少女》來看。1995年的高橋一生係15歲，仲未變聲呀！！！把聲好靚仔呀！！！好襯個靚仔男主角呀！！！這個賤貨女主角才初中就答應他求婚了！！！可惡呀！！！


（然後我發現好多發彈幕的人都跟我一樣因為高橋一生來看的哈哈，下個禮拜睇埋佢配嘅《歲月的童話》先，1991年的動畫，即係11歲呀！！！還是小學生的高橋一生呀！！！可愛仔呀！！！

我的十年和你的一天

明明很睏HP只剩1﹪也打算極速打完這篇才去睡美容覺。

好了，姊妹淘終於在交友app的泥沼裡找到個相貌不錯身高182而且沒有比她少很多再者心智看上去蠻正常的男人拍拖了，真是可喜可賀。

讓我告訴你們要找個正常的男人拍拖是有多難。

之前在交友app裡認識而且和她約會過搞過曖昧的分別有︰

1號︰比她少十歲，但體貼
2號︰有女朋友，但很帥
3號︰玩家而且不想結婚，但有錢

而現在的那個雖然條件都不及以上那三個，但以上那三個的缺點也完全沒有。好吧。應該算是幸運吧。

簡直是個里程碑。

各位晚安。

噢！春天！我的夢中情人！—繼續迷信有情人多麼近

作詞：林若寧
作曲：石嘉欣
編曲：石嘉欣

沒有愛情對白那套杜魯福　可以與誰觀看
沒有愛情帶路坐上橫濱線　問我共誰流浪
沒有愛情喝下那罐熱咖啡　可以替誰解渴
懷內每句話　誰肯聽聽我講

踏破鐵鞋你在哪裡為我等　給我半滴戀愛
踏破鐵鞋你在哪裡未知道　就似未曾存在
踏破鐵鞋我在這裡為你等　仿似競技比賽
尋覓太過耐　連愛亦變傷害

＊除非我沒有動人成份
　何必怕沒有交出初吻
　看著時間過但唯有我在尋遍每位路人
　明知道未到動人時份
　才等到頭上燈泡轉暗
　寄望還會有位路人　清楚我亦蠻吸引
　繼續迷信有情人多麼近＊

最後迎接有情人的一吻

習慣了獨個在四處亂碰釘　感覺愛情很遠
習慣了獨個在暗角祈禱也　未見我能如願
習慣了獨個為某個人暗戀　只有拼命打轉
尋覓到厭倦　誰兌現我心願

除非褫奪去愛的資格
仍自信有日誰會為我表白

最後迎接有情人的一吻

好像很久沒有寫blog了喔。今早上班時心血來潮想起這個春天專題（對啊其實這是一個專題，是春天才有的，關於春天和愛情的歌單），好像沒有合適的歌好聽啊，誰知步行回公司途中經過商場，聽到還沒開的店舖隱約傳來「除非我沒有動人成份……」（說起來應該是店裡的員工在準備開店時放的音樂吧，這店的「開店前音樂」經常都很對我的口味，我聽過他們放陳綺貞的《還是會寂寞》和陳奕迅的《想聽》耶，厲害吧），我腦裡頓時「叮」一聲！這首適合！可是其實我已忘了這是甚麼歌了喔，回到公司搜尋一下才發現是Fiona的《你在哪裡》。我以前很喜歡這首歌的耶！是單身者的自我安慰絮絮念耶，滿感人的。其實我以前都很喜歡Fiona耶，臉蛋漂亮可愛，聲音甜美，歌曲都很高質，我尤其喜歡那張「大明星」概念專輯耶（笑），上年搭長途機到歐洲時碰巧機上有提供這張專輯，我可是一直loop著《拒絕畢彼特》入眠的喔。

然後Fiona現在整容都整到變了樣，已經不是當年那個好pure好true的Fiona了。

說回這首歌為什麼會適合，我想大概是這種忸怩不安的感覺，好像春天的愛情。

昨天和姊妹淘在中環高級cafe afternoon tea（是啊我特別emphasize是「中環高級cafe」，幹很港女吧很王迪詩吧嘿嘿），其中一個談到這兩個月來在交友app的歷險，超有趣的。我的朋友都三字頭了，恨嫁但又嫁不出，所以都很積極找對象，想不到在交友app裡竟然都泡到高質帥哥耶（當然我朋友也是高質美女），有和她差不多年紀的，也有比她少十年的還在讀書的「小鮮肉」大學生。她很喜歡那個「小鮮肉」喔，「小鮮肉」也對她表白了，可是耶，就是那個年紀的差距上好像有點不對，動輒得咎耶，就是《魔幻廚房》的慕容優和郭可立、《志明與春嬌》的春嬌和志明，這種熟女啃小鮮肉的戲碼，既害怕又渴望能鼓起勇氣的忸怩不安，嗯，很像春天的愛情。

我竟然也到了覺得姊弟戀動人的年紀了……

朋友的故事害我好想寫一個關於交友app的冒險小說喔，大概十來章的中篇吧，應該會很動人。可是耶，我完全沒玩過交友app啊，難不成我也要下個app泡個「小鮮肉」看看？但我這種有社交障礙的人，可是覺得交友為苦啊哈哈，應該會很累。

就寫到這裡吧，在戀愛裡忸怩不安的人兒啊，就讓我們繼續迷信有情人多麼近。

遇上你 太感恩 不遲亦不早