嗯。致被圈養的豬︰
「今日個牌收皮之後，我俾人抽仲多過俾人鼓勵安慰，好似我同我個台欠撚柒咗佢地咁，你就知咩事、係就知香港(人)冇撚得救。我唔係最介意你地抽柒我，我知你地唔睇電視，邊個有牌關你差事，但最悲哀嘅係你地似乎冇人明，你地依家唔係冇咗一個台咁簡單，你地係容許冇咗個台而個政府用"一籃子"、"循序漸進"等等由大陸傳過嚟嘅匪語嚟耍鳩你地，真正原因被保密協議掩蓋，反映香港已經係大陸省市之一，乜都講潛規則、講後台。第時你地因為"一籃子原因"而仆街，冇咗份工，我會放長雙眼、食住花生睇你點折墮。
而事實上過去、將來呢個港共政府都係會不斷用匪語言偽術耍鳩你地，都唔好講到要"佔中"咁大陣仗(我開頭聽落都覺得ok，但為個牌佔中好可能變成浪費民氣)，你去為呢件事嘈、上街、聲討，都係攞返啲咁the尊嚴而已，都好過咩都唔做。如果你郁都唔郁，全亞洲以致全世界，都會當你香港人係活該仆街死十次嘅死契弟。
不過我想講，我作為一個星斗小市民，日夜奔波，一向冇咩時間參與政治運動，可能喺好多社運名流眼中係一個冷感愚民，時事知識亦欠奉。我過去年半，捱過無數個通頂、犧牲過無數個周日同公眾假期俾工作(星期六都係工作日冇補假)、放個假都充滿罪惡感(會俾同事喺whatsapp、facebook開post抽水、屌柒)、突然之間有假放會因為冇節目而惶恐不安，都跌跌撞撞、好不容易咁完成咗三個作品，好老實講我聽日就飛東京睇Loud Park 13，都仲要改起稿先走得(旅行期間仲要接whatsapp order，睇明朝歷史的資料keep住進度)，而呢批稿係我最dum心血落去嘅一個project，一個注定成為經典or cult典嘅sitcom，不過自今日起後，永遠冇可能出到街了，你地永遠冇得睇，你諗下係邊個損失？你地冇得睇，連覺得差、要cap圖上網屌柒嘅機會都冇，香港人，明白自己同圈養嘅豬冇分別嘅客觀事實未？我唔敢話自己損失時間健康青春去做嘢係好偉大嘅一件事，我純粹想講，忍得落港共政府呢一鑊嘢，你班香港人就係柒頭皮，移民去第二個國家都冇人睇得起你。
算吧喇，玩完架喇，一個禮拜返嚟之後，公司應該開完會俾晒通知出嚟點樣人事調整，都係時候為自己鋪定後路。呢次(好大機會的)失業，唔係因為我個人工作表現或僱主企業經營問題，係港共政府造成的，我永遠都會記住。我冇半澤直樹咁把砲，下下要人十倍奉還、乜都跟到尾；不過仇怨就係仇怨，很遺憾、很悲痛都要講句，個人取態是確定了：在公、在私，與共匪誓不兩立，與689誓不兩立。這也許是小弟維持少許人格尊嚴的唯一方法吧。錢對於我來說始終最重要，皆因我多數無伴終老，今日你689蘇錦樑搞到我間公司雞毛鴨血，同斷我米路、斷我衣食冇分別，我到死嗰刻都唔會遺忘，你明唔明？已經唔係政治爭拗同立場分歧嘅膚淺層次，係生存嘅問題，一講到生存，就學Tony Stark話齋："There's no politics here, just good old fashioned revenge."」
No comments:
Post a Comment