一兜啤撚嘻哩

睇完《盲探》，我先醒起我n年前係寫緊部長篇搞笑小說，叫《請你好好放低》。個男主角係鬼，食腦；女主角係人，冇腦。故事設定呢一人一鬼嘅組合係要走去查其他鬼點死，心裡有咩牽掛，從而超渡佢地嘅亡魂。（尐亡魂嘅名我都諗定哂係好朋友嘅名。百無禁忌呀 XD）故事嘅主題係「放下」。而男女主角透過一連串呢尐case，最後都各自能放下自己心裡的鉛塊。而個男主角某程度上係盲—角色設定雖然佢係鬼，但佢係睇唔到其他鬼，所以要依靠女主角，因為得女主角有陰陽眼。拿！所以我覺得韋家輝係有少少抄我！ XD

不過當年寫左五章就冇寫了，因為覺得自己尐推理好流，要進修下推理小說寫作技巧 (話時話我覺得《盲探》尐推理都ok流 XD)。再者，想象力太貧乏，寫下去就唔夠有趣了，畢竟這是搞笑小說呀！於是我真係放低左篇小說。冇錯到頭來覺悟左「放低」果個係我。 XD

唯一放唔低嘅係，由於小說爛左尾，我淨係寫死左一個friend，對於我來不及寫死嘅，在下深表遺憾。 XD

或者有一日，當我對放下執著有更深嘅覺悟，對搞笑有更高嘅造詣，對推理有更強嘅領略，我就會由頭再寫過呢個故事。 (呼煙 )

【原創長篇連載小說】請你好好放低 1

*****

除此之外，《想你就寫信》系列我都好想pick up返。有朋友話可以同我合作，幫尐信畫插畫。佢尐畫好靚，對於呢次合作我都好期待。可惜，我仲未醞釀到寫返呢個系列既感覺。當初開始寫呢個系列，係對失戀既治療。我承認戀愛成日都帶比我好多寫作靈感。但係而家我又冇失戀，又冇暗戀，又冇苦戀，總之乜戀都冇，我冇左果種動力。但係我冇理由為左寫野而走去搞果尐「戀」架嘛，好似好本末倒置咁，所以「戀愛」既野，都係順其自然好尐。至於寫作，我相信唔只戀愛可以激發到我，我需要訓練既，係discipline。嗯。我要加油。

【想你就寫信】第13封信 原諒

熱血時報—《笑死朕》第130集—從陳振聰看創作管理，有講到，一個創作人可懷才得遇，有兩樣野需要並存—一係才華，二係discipline。

挪開所謂「正能量」的面具

今天讀了兩篇有關正能量和維穩的文章，都好看。

《正能量雜談—有種美德叫有種》

A 貨基督教誤解喜樂，以為開心快樂正能量就是「喜樂」，其實他們把喜樂完全解錯。聖經描述喜樂的源頭是神，神的子民因有神的同在，所以可以對發生在自己身上的苦難處之泰然，可以「以苦難為大喜樂」，這是一種個人的宗教情操，是一種修為。然而，喜樂卻是面對現實，清楚現實是痛苦的。所以，一個有喜樂的人，同時可以展現憂傷、不滿、爭拗、義憤填膺。喜樂和「合一」一樣，是一種只可以培養而不能灌輸的情操。即是說，你可以培養自己面對苦難仍能安然，但你卻不能叫別人一定要開開心心面對當前困境，因為這是不道德的。一個人因為環境惡劣感到不快是自然，用教條灌輸正能量即而宗教麻醉人心。可是，目觀當下教會，她們很多時都是叫人多一點正能量，叫人少一點理會政治。這不正正如馬克思說宗教成了人民的鴉片嗎？一個認真信仰的人，應該培養自身承受苦難的能力，然後幫助身邊的人解決不公義，是針對源頭，而非一味叫人多一點正能量。

《Mr.的維穩之路—熱血時報》

主音Alan道︰「當初創作歌曲時，得知要加入振奮人心的元素在其中，我們五人都有點惆悵沒有甚麼靈感。後來察覺到香港人近日生活壓力好大，負能量上升，很想將正能量加入歌曲中。加上譚校長推出了《一點光》這首歌，我們也受到這位樂壇前輩的啟發（筆者按：看到這句笑了），所以最終以 『believe in our dream』為主旨，希望借歌曲能使香港人團結一致，憑着信念對未來永不放棄（筆者按：與所謂「獅子山精神」大同小異），為身為香港一份子而感驕傲。歌詞上，我們也加入了『believe in our dream』、『永不放棄』等字句，盼望能鼓勵人心。」
其實Mr.有反國教，有行七一，卻他們為了搵食，為了跟好老細，為了打好份工，盡快搵夠然後逃離香港安安樂樂生活，因為香港好嘈好多爭拗。Mr.表面上是宣揚和平、平息爭拗的天使，客觀效果卻是做了幫手維穩的棋子。

挪開所謂「正能量」的面具，才能真正彰顯正能量。